پاکستان کے ذمے آئی ایم ایف کا قرض گزشتہ مالی سال کے پہلے 9 ماہ کے دوران 176 ارب روپے تھا: اسٹیٹ بینک/ فائل فوٹو
کراچی: رواں مالی سال کے پہلے 9 ماہ میں پاکستان کے قرض اور ذمہ داریوں کے حجم میں 12 فیصد اضافہ ہوگیا۔
اسٹیٹ بینک کے مطابق جولائی2022 سےمارچ 2023 تک قرض اور ذمے داریوں کاحجم 72ہزار 440 ارب روپے تھا جب کہ جولائی 2023 سے مارچ 2024 تک قرض میں 12 فیصد اضافہ ہوا۔
مرکزی بینک کا بتانا ہےکہ رواں مالی سال کے پہلے 9 ماہ میں پاکستان کا قرض اور ذمہ داریوں کا حجم 80 ہزار 862 ارب روپے ہوگیا ہے۔
اسٹیٹ بینک کے مطابق پاکستان کے ذمے آئی ایم ایف کا قرض گزشتہ مالی سال کے پہلے 9 ماہ کے دوران 176 ارب روپے تھا جب کہ رواں مالی سال کے پہلے 9 ماہ کے دوران یہ قرض بڑھ کر 351.7 ارب روپے ہوگیا۔
17 مئی ، 2024 
