پاکستان
05 فروری ، 2013
05 فروری ، 2013 
بہاول پور:پولیس اور ڈاکووٴں کے درمیان مبینہ مقابلہ، 3ڈاکو ہلاک
05 فروری ، 2013
بہاول پور…بہاول پورکے نواحی علاقہ میں پولیس اور ڈاکووٴں کے درمیان مبینہ مقابلے میں 3ڈاکو ہلاک ہوگئے۔ ڈاکووٴں نے 26دسمبر کو موضع پکھی وار سے 20لاکھ روپے تاوان کیلئے 3نوجوانوں کو اغوا کیا تھا تاوان نہ ملنے پر ڈاکووٴں نے ایک نوجوان کو قتل کردیا تھا۔جس کے بعد ورثا نے 20 لاکھ روپے ادا کر کے باقی 2 مغویوں کو بازیاب کرالیا تھا،ملزمان مغویوں کے خاندان کومقدمہ واپس لینے کیلئے دھمکیاں دے رہے تھے۔گزشتہ رات ملزمان مدعیوں کے گھر پر حملے کی نیت سے آئے تو پولیس نے خفیہ اطلاع پر ملزمان کا گھیراوٴ کرلیا ،دو طرفہ مقابلے کے بعد تینوں ملزمان خلیل احمد ،سجا اور مصطفیٰ مارے گئے ،تینوں ملزمان کئی مقدمات میں مطلوب تھے۔
