بجٹ عوامی امنگوں کے مطابق ہے، عوام کو زیادہ سے زیادہ ریلیف دینےکی کوشش کی گئی: مریم نواز

وزیر اعلیٰ پنجاب مریم نواز نے عوام دوست بجٹ پیش کرنے پر وزیراعظم اور ان کی ٹیم کو خراج تحسین پیش کیا ہے۔

مریم نواز نے اپنے بیان میں کہا ہے کہ  نوازشریف کی رہنمائی اور وزیراعظم کی قیادت میں متوازن بجٹ پیش کیا گیا۔

وزیراعلیٰ پنجاب کا کہنا تھا کہ پائیدار ترقی کے سفر کا آغاز ہوچکا ہے ، ملک معاشی بحران کی کیفیت سے دن بدن باہر آ رہا ہے ، بجٹ عوامی امنگوں کے عین مطابق ہے ، عوام کو زیادہ سے زیادہ ریلیف دینےکی کوشش کی گئی۔

واضح رہے کہ وفاقی حکومت نے آئندہ مالی سال 2024-25 کیلئے 85 کھرب خسارے پر مشتمل 188 کھرب 87 ارب سے زائد کا بجٹ قومی اسمبلی میں پیش کردیا۔

85 کھرب خسارے پر مشتمل 188 کھرب 87 ارب کا بجٹ پیش، ٹیکس ہدف 12 ہزار 970 ارب مقرر

سود کی ادائیگیوں کیلئے 9 ہزار 775 ارب روپے، بجٹ میں دفاع کیلئے 21 کھرب مختص، پنشن پر 1ہزار 14ارب روپے خرچ ہوں گے، 1363 ارب روپے کی سبسڈیز دی جائیں گی: بجٹ دستاویز

بجٹ 25-2024، حکومت نے ٹیکس ہدف پورا کرنے کا سارا بوجھ تنخواہ دار طبقے پر لاد دیا

وفاقی بجٹ میں سرکاری ملازمین کی تنخواہوں میں تو اضافہ کیا گیا ہے تاہم نجی شعبے کے ملازمین کی تنخواہیں بڑھنےکی کوئی گارنٹی نہیں۔