21 اکتوبر ، 2024 
پاکستان
عدالت نے حکم دیا کہ ایف آئی اے تحقیقات کی نگرانی قومی کمیشن برائے انسانی حقوق کرےگا،فوٹو: فائل
عدالت کا ڈاکٹر شاہنواز قتل کیس کی تحقیقات ایف آئی اے سےکرانےکا حکم
21 اکتوبر ، 2024
سندھ ہائی کورٹ نے عمر کوٹ میں پولیس کے ہاتھوں ماورائے عدالت قتل کیےگئے ڈاکٹر شاہنواز کیس کی تحقیقات ایف آئی اے سےکرانےکا حکم دے دیا۔
سندھ ہائی کورٹ میرپورخاص سرکٹ بینچ میں ڈاکٹر شاہنواز کیس کی سماعت ہوئی۔کیس کی سماعت جسٹس امجد بویو اور جسٹس خادم حسین نے کی۔
عدالت نے ڈاکٹر شاہنواز قتل کیس کی تحقیقات ایف آئی اے سے کرانے کا حکم دے دیا۔
عدالت نے حکم دیا کہ ایف آئی اے تحقیقات کی نگرانی قومی کمیشن برائے انسانی حقوق کرےگا۔
عدالت نے قتل کیس کے مرکزی ملزمان سابق ڈی آئی جی کے پیش نہ ہونے پر اظہار برہمی کیا۔
