07 فروری ، 2013 
پاکستان میں سیاسی تناوٴ:سرمایہ کاروں کااعتماد بحال نہیں ہورہا، موڈیز
07 فروری ، 2013
کراچی…پاکستان میں آئندہ عام انتخابات سے قبل سیاسی تناوٴ بڑھ رہا ہے، موڈیز انوسٹرز سروسز کے مطابق اس کشیدگی سے سرمایہ کاروں کا اعتماد بحال نہیں ہو پارہا۔موڈیز انوسٹرز سروسز نے اپنی رپورٹ میں کہا ہے کہ عام انتخابات سے پہلے پاکستان کے مختلف اداروں کے درمیان تعلقات میں کشیدگی آئی ہے۔ ملک کی بیرونی مالی امداد بھی سیاسی حالات کے باعث رکی ہوئی ہے، سرمایہ کاروں کا اعتماد بحال نہیں ہورہا اور معاشی چیلنجز کا مقابلہ کرنے کی پالیسیاں بننے میں مشکلات کا سامنا ہے۔موڈیز کے مطابق توانائی بحران کے باعث پاکستانی معیشت گراوٹ کا شکار ہے۔ ادارے کا کہنا ہے کہ پاکستانی حکومت پر قرضے کا بوجھ بڑھنے سے ملک میں مہنگائی میں اضافہ ہورہا ہے۔ موڈیز نے سیاسی اور معاشی حالات کے باعث پاکستان کی ریٹنگ سی اے اے ون پر برقرار رکھی ہے۔
مزید خبریں :
دو روز کی مسلسل کمی کے بعد سونے کی قیمت میں اضافہ ہوگیا
12 گھنٹے پہلے
حکومت نے پیٹرولیم مصنوعات کی نئی قیمتوں کا اعلان کر دیا
16 مئی ، 2025
پاکستان اسٹاک ایکسچینج میں آج کاروبارکا ملا جلا دن رہا
14 مئی ، 2025
