08 جولائی ، 2024
دنیا کی دوسری بلند ترین چوٹی کے ٹو سمیت قراقرم رینج پر شدید برفباری کے بعد خراب موسم کے باعث مہم جوئی کے لیے جانے والے کوہ پیماؤں کی بیس کیمپ واپسی کا سلسلہ جاری ہے۔
محکمہ موسمیات نے برفباری کا سلسلہ آئندہ چوبیس گھنٹے تک جاری رہنے کی پیشگوئی کی ہے۔
پاکستان کی خاتون کوہ پیما ثمینہ بیگ کو شگر سے بذریعہ ہیلی کاپٹرسی ایم ایچ اسکردو پہنچایا گیا جہاں سے انہیں ائیر ایمبولینس کے ذریعے اسلام آباد روانہ کر دیا گیا ہے۔
خیال رہے کہ ثمینہ بیگ کو گھوڑے پر کے ٹو بیس کیمپ سے اسکولی پہنچانے میں دو دن لگے تھے۔
ثمینہ بیگ کے بھائی کا کہنا ہےکہ ان کی طبیعت میں کچھ بہتری آئی ہے،پانچ روز پہلے بیس کیمپ میں ثمینہ بیگ کی طبیعت خراب ہو گئی تھی۔