تیسرے ٹیسٹ میں پچ کو قومی ٹیم کیلئے سازگار بنانے کی کوشش، پچ سکھانے کیلئے ہیٹرز کا استعمال

پاکستان اور انگلینڈ کے درمیان سیریز کے فیصلہ کن ٹیسٹ کےلیے  پنڈی اسٹیڈیم میں پچ کی تیاری کا عمل شروع ہوگیا۔

پاکستان اور انگلینڈ کے درمیان 3  ٹیسٹ میچز کی سیریز میں انگلینڈ نے پاکستان کو  پہلا ٹیسٹ 47 رنز سے ہرادیا تھا اور دوسرے میچ میں  پاکستان  نے  انگلینڈ کو  152 رنز سے شکست دی تھی۔

اب دونوں ٹیموں کے درمیان تیسرے اور فیصلہ کن  ٹیسٹ کیلئے راولپنڈی اسٹیڈیم کی  پچ کی تیاری کا عمل شروع ہوگیا ہے۔

ذرائع کے مطابق پنڈی ٹیسٹ کے لیے پچ اسپنرز کیلئے سازگار بنانے کی کوشش ہوگی، پچ کو سکھانے کیلئے پنکھے اور ہیٹرز کا استعمال کیا جارہا ہے،  3، 3 ہیٹرز دونوں سائیڈز پر رکھے گئے ہیں، ہیٹرز کے سامنے پنکھوں کے ذریعے گرمائی پچ تک پہنچائی جارہی ہے۔

ذرائع نے بتایا کہ پچ پر دونوں اطراف کالے کپڑے کے استعمال سےزیادہ گرمائی پہنچانے کا پلان بنایا گیا ہے جب کہ دن کے اوقات میں پچ پر کورز بھی نہیں ڈالے جائیں گے، بقیہ تینوں روز پچ کو دن کے روز نہیں ڈھانپا نہیں جائےگا اور پچ کو زیادہ سے زیادہ سکھایاجائےگا تاکہ اس کی نمی ختم ہو۔

قومی کرکٹ ٹیم آج سے راولپنڈی میں ٹریننگ شروع کرے گی  اورانگلش ٹیم مزید ایک دن آرام کے بعد منگل سے پریکٹس کرے گی۔

پاکستان اور انگلینڈ کے درمیان سیریز کا تیسرا اور آخری ٹیسٹ جمعرات سے شروع ہوگا، جیوسوپر سیریزکا فیصلہ کن ٹیسٹ بھی براہ راست نشر کرے گا۔

کفر ٹوٹا خدا خدا کرکے! پاکستان کی 44 ماہ بعد ہوم گراؤنڈ پر ٹیسٹ میں پہلی کامیابی

پاکستان ہوم گراؤنڈ پر 4 سال کے دوران 11 ٹیسٹ میں سے کوئی نہ جیت سکا

2 اسپنرز اور 20 وکٹیں، نعمان اور ساجد خان نے 52 سال بعد ٹیسٹ کرکٹ کا کونسا ریکارڈ برابر کیا؟

نعمان علی نے انگلینڈ کے خلاف دوسرے ٹیسٹ میں 11 اور ساجد خان نے 9 وکٹیں حاصل کیں