14 جولائی ، 2024 
آئی ایم ایف اور حکومت کی غلط پالیسیوں سے ٹیکسٹائل ملیں بند ہونے لگیں: اپٹما ذرائع
14 جولائی ، 2024
آل پاکستان ٹیکسٹائل ملز ایسوسی ایشن (اپٹما) ذرائع نے کہا ہے کہ بجلی اور گیس کی قیمتوں میں اضافے کے باعث لارج اسکیل فیکٹریاں بند اور ہزاروں افراد بیروزگار ہوگئے۔
اپٹما ذرائع کے مطابق عالمی مالیاتی فنڈ (آئی ایم ایف) اور حکومت کی غلط پالیسیوں سے ٹیکسٹائل ملیں بند ہونے لگیں، دو سال میں بجلی اور گیس کی قیمتوں میں 170فیصد تک اضافہ ہوا۔
اپٹما ذرائع نے بتایاکہ 100 کے قریب لارج اسکیل فیکٹریاں بند ہوگئیں اور ہزاروں لوگ بیروزگار ہوئے، بند ہونے والی فیکٹریوں میں50 ٹیکسٹائل مل بھی شامل ہیں۔
مل مالکان کے مطابق 2022 میں بجلی 16 روپے فی یونٹ تھی جو آج 42 روپے فی یونٹ ہے، 2022 میں انڈسٹری کو گیس 14 روپے یونٹ مل رہی تھی اور آج 40 روپےیونٹ ہے۔
اپٹماذرائع کا کہنا ہے کہ دو سال میں ٹیکسٹائل ایکسپورٹ 19ارب ڈالر سے کم ہوکر 16 ارب ڈالر رہ گئیں۔
خیال رہے کہ گزشتہ ماہ وزیراعظم شہباز شریف نے صنعتوں کیلئے بجلی کی قیمت میں 10 روپے 69 پیسے فی یونٹ کمی کا اعلان کیا تھا۔
مزید خبریں :
پاکستان کی پیٹرولیم مصنوعات کی مجموعی درآمدات میں کمی
12 گھنٹے پہلے
ملکی غذائی اجناس کی برآمدات میں مسلسل چوتھے ماہ اضافہ ریکارڈ
17 نومبر ، 2024
ملک میں سونےکی قیمت میں کمی، فی تولہ قیمت کیا ہوگئی؟
16 نومبر ، 2024
حکومت کا پیٹرولیم مصنوعات کی قیمتیں برقرار رکھنے کا فیصلہ
15 نومبر ، 2024
ملک میں سونے کی فی تولہ قیمت میں سیکڑوں روپے کا اضافہ
15 نومبر ، 2024
