10 فروری ، 2013 
عوام بھٹو کے جعلی جا نشینوں کی اصلیت جان چکے ،ارباب خضر حیات
10 فروری ، 2013
پشاور…پاکستان مسلم لیگ (ن) کے رہنما ارباب خضر حیات نے کہا ہے کہ پیپلز پارٹی کا سب سے بڑا کا رنا مہ پانچ ماہ کی قلیل مدت میں کروڑوں روپے مالیت سے لاہور میں محل کی تعمیر ہے۔ پشاور میں صحا فیوں سے گفتگو میں ارباب خضر حیات کا کہنا تھا کہ زرداری اینڈ کمپنی کا تخت پنجاب پر قبضہ کر نے کا خواب کبھی پورا نہیں ہو گا اور ما یوسی کے سوا انہیں کچھ نہیں ملے گا ۔ ان کا کہنا تھا کہ پیپلزپارٹی پنجاب پر قبضہ کے خواب میں دیکھ رہی ہے جبکہ وہ اب سندھ کی فکر کر یں جو کہ ان کے ہاتھوں سے نکل چکا ہے اور جلد ہی سندھ کے ہر گھر پر مسلم لیگ (ن) کا جھنڈا لہرائے گا۔سندھ کے عوام بھٹو کے جعلی جا نشینوں کی اصلیت جان چکے ہیں اور اب سند ھ کے عوام کی نظریں مسلم لیگ (ن) اور نواز شریف پر لگی ہیں ۔ نواز شریف کا راستہ رو کنے کے لئے پیپلز پارٹی، مسلم لیگ(ق) تحریک انصاف ، ڈاکٹر طا ہر القادری اور جنرل مشرف سب جلد ہی ایک میز پر نظر آئیں گے لیکن عوام اس گھنا ؤ نی سازش کسی صورت کا میاب نہیں ہو نے دیگی۔
مزید خبریں :
