17 جولائی ، 2024 
دنیا
سیلاب کے باعث اب تک تقریباً 1500 بچے لاپتا ہیں یا اپنے گھر والوں سے بچھڑ گئے ہیں: سیو دی چلڈرن/ فائل فوٹو
افغان صوبے ننگر ہار میں بارشوں اور سیلاب سے 40 افراد ہلاک، 350 زخمی
17 جولائی ، 2024
کابل: افغانستان میں شدید بارشوں کے بعد آنے والے سیلاب سے 40 افراد ہلاک اور 300 سے زائد زخمی ہوگئے۔
افغانستان کے صوبے نگرہار کے مختلف اضلاع میں اس وقت سیلابی صورتحال کا سامنا ہے۔
محکمہ صحت کے مطابق سیلاب سے اب تک 40 افراد ہلاک ہوچکے ہیں اور 350 زخمی ہیں جنہیں طبی امداد دی جارہی ہے۔
بچوں کے حقوق کے لیے کام کرنے والی تنظیم سیو دی چلڈرن کے مطابق سیلاب کے باعث اب تک تقریباً 1500 بچے لاپتا ہیں یا اپنے گھر والوں سے بچھڑ گئے ہیں۔
افغان میڈیا کے مطابق سیلاب کے باعث لوگوں کے مال مویشی کو بھی نقصان پہنچا ہے جب کہ کچھ دیہات مکمل طور پر سیلاب میں بہہ گئے ہیں۔
