26 اگست ، 2024 
سولر پینل کی درآمدکی آڑ میں اربوں روپےکی منی لانڈرنگ کا انکشاف
26 اگست ، 2024
اسلام آباد: ملک میں سولر پینل کی درآمد کی آڑ میں اربوں روپے کی منی لانڈرنگ کا انکشاف ہوا ہے۔
ایف بی آر نے سولرپینل کے معاملے پر رپورٹ تیار کرلی ہے۔ جیو نیوز کو موصول دستاویز کے مطابق سال2017 تا 2022 سولرپینل کی درآمد میں 69.5 ارب روپےکی اوور ان وائسنگ ہوئی۔
رپورٹ کے مطابق دو درآمدی کمپنیوں کے خلاف ایف آئی آر درج کی گئی، دونوں کمپنیوں نے 72 ارب 83 کروڑ روپے پاکستان سے باہر منتقل کیے،کاغذی طور پر دونوں کمپنیوں کے دفاترپشاور میں ایک ہی عمارت میں تھے۔
رپورٹ کے مطابق ایف بی آر کی ٹیم پشاور میں مذکورہ جگہ گئی تو دونوں کمپنیوں کے دفاتر وہاں کبھی تھے ہی نہیں، انکم ٹیکس ریکارڈ کے مطابق دونوں کمپنیاں جعلی تھیں، دونوں کمپنیوں نے ٹیکس گوشوارے بھی جمع نہیں کرائے۔
رپورٹ میں بتایا گیا ہےکہ سولر پینل چین سے درآمد کیے گئے، رقم سنگاپور اور یو اے ای بجھوائی گئی۔ ایک کمپنی کے ڈائریکٹرکو کراچی اسپیشل جج کسٹمز نے بلائے بغیر ضمانت بھی دےدی جب کہ ایک کمپنی کا ڈائریکٹر مفرور ہے۔
مزید خبریں :
رواں مالی سال کوئی منی بجٹ نہیں لا رہے: چیئرمین ایف بی آر
22 دسمبر ، 2024
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
