14 ستمبر ، 2024 
پاکستان
مشتعل مظاہرین نے گرڈ اسٹیشن پر پتھراؤ بھی کیا جس کے پیش نظر پولیس کی بھاری نفری کو گر ڈ اسٹیشن پر بلانا پڑا: پیسکو ترجمان/فوٹوفائل
پشاور: بجلی لوڈ شیڈنگ کیخلاف شہریوں کاگرڈ اسٹیشن پر دھاوا، اندر گھس کر بجلی بحال کردی
14 ستمبر ، 2024
پشاور میں بجلی کی لوڈ شیڈنگ کے خلاف شہریوں نے دلہ زاک گرڈ اسٹیشن پر دھاوا بول دیا۔
پشاور الیکٹرک سپلائی کمپنی (پیسکو) کے ترجمان کے مطابق مشتعل علاقہ مکین زبردستی گرڈ اسٹیشن میں گھس گئے اور بجلی بحال کر دی۔
پیسکو ترجمان کا بتانا ہے کہ مشتعل مظاہرین نے گرڈ اسٹیشن پر پتھراؤ بھی کیا جس کے پیش نظر پولیس کی بھاری نفری کو طلب کرنا پڑا۔
ترجمان پیسکو کا کہنا تھا کہ عملے کی سکیورٹی کیلئے پولیس بلائی گئی، پولیس کے آنے کے بعد مظاہرین منتشر ہو گئے۔
