14 ستمبر ، 2024 
وزیراعلیٰ پنجاب کا خام گلابی نمک کی برآمد پر پابندی کیلئے اقدامات کا حکم
14 ستمبر ، 2024
لاہور: وزیراعلیٰ پنجاب مریم نواز نے خام پنک سالٹ (گلابی نمک) کی برآمد پر پابندی کے لیے اقدامات کا حکم دے دیا۔
وزیراعلیٰ پنجاب کی زیر صدارت اجلاس میں پنک سالٹ سے ریونیو حاصل کرنےکے لیے تجاویز کا جائزہ لیا گیا۔ اجلاس میں پنک سالٹ کے لیے ویلیو ایڈڈ انڈسٹری لگانےکا پلان تیار کرنےکا جائزہ لیا گیا۔
اجلاس میں پنجاب میں معدنیات کے حصول کے لیے جدید ٹیکنالوجی کے استعمال کی تجاویز پر بھی غور کیا گیا۔
وزیراعلیٰ کا کہنا تھا کہ پاکستان کے لیے پنک سالٹ خزانے کے مترادف ہے۔ انہوں نے خام پنک سالٹ کی برآمد پر پابندی کے لیے اقدامات کا حکم بھی دے دیا۔
وزیراعلیٰ پنجاب نے پنک سالٹ کی ایکسپورٹ پر پیشرفت کے لیے جامع پلان طلب کرلیا۔
مریم نواز نےکان کنوں کی حفاظت یقینی بنانے کی ہدایت بھی کی۔
خیال رہے کہ معدنی نمک کے دنیا میں دوسرے بڑے ذخائر پاکستان میں موجود ہیں۔
پاکستان میں نکلنے والے نمک کو ہمالیائی نمک بھی کہا جاتا ہے۔ یہ پاکستان میں جہلم سے کوہاٹ کے درمیان پہاڑی سلسلے میں 'جو 300 کلومیٹر سے زائد فاصلے پر محیط ہے' پایا جاتا ہے۔
گلابی نمک کے ذخائر کھیوڑہ ، خوشاب اور کالاباغ میں کثیر تعداد میں پائے جاتے ہیں۔
مزید خبریں :
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
انٹربینک میں روپے کے مقابلے ڈالر کی قدر میں اضافہ
19 دسمبر ، 2024
ملک میں سونےکی قیمت میں بڑی کمی، فی تولہ سونا کتنےکا ہوگیا؟
19 دسمبر ، 2024
