14 ستمبر ، 2024 
ایشین ٹیبل ٹینس چیمپئن شپ: این او سی نہ ملنے پر پاکستان ٹیم کی شرکت کھٹائی میں پڑگئی
14 ستمبر ، 2024
قازقستان کے شہر الماتے میں شیڈول ایشین ٹیبل ٹینس چیمپئن شپ میں پاکستان ٹیم کی شرکت کھٹائی میں پڑگئی ہے۔
پاکستان ٹیبل ٹینس ٹیم نے 6 سے 13 اکتوبر تک الماتے میں ایشین ٹیبل ٹینس چیمپئن شپ میں شرکت کرنا ہے جس کے لیے پی ایس بی سے این او سی طلب کیا گیا تھا۔
پاکستان اسپورٹس بورڈ نےکم رینکنگ کے کھلاڑیوں کے انتخاب کا اعتراض لگا کر این او سی دینے سے انکار کردیا ہے۔ ساتھ ہی فیڈریشن سے آڈٹ شدہ اکاؤنٹس، دستیاب فنڈز کی تفصیلات اور اسٹیٹمنٹ بھی مانگ لی ہیں۔
ٹیبل ٹینس فیڈریشن کے ذرائع کے مطابق ٹیم میں شامل تمام کھلاڑی ٹاپ رینکنگ کے ہیں، منتظمین نے دو دو مرد و خواتین کھلاڑیوں کے اخراجات اٹھانا ہیں۔ فنڈز کی عدم دستیابی کے باعث دیگر کھلاڑیوں کو ذاتی اخراجات پر جانے کی پیشکش کی گئی۔ تمام ایونٹس میں شرکت کے لیے ٹیموں کا کم از کم تین تین کھلاڑیوں پر مشتمل ہونا چاہیے۔
ذرائع کا کہنا ہے کہ ذاتی اخراجات پر جانے والے کھلاڑی بھی ٹاپ فائیو میں شامل ہیں۔ذاتی اخراجات پر کم رینکنگ والے پلئیرز نے حامی بھری لیکن کوئی ٹاپ فائیو سے باہر نہیں ہے۔
ٹیبل ٹینس فیڈریشن کا کہنا ہے کہ ٹاپ فور مردو خواتین کھلاڑیوں کو مِس نہیں کیا گیا۔
مزید خبریں :
باکسنگ ڈے ٹیسٹ میچ کے پیچھے کہانی کیا ہے؟
5 گھنٹے پہلے
بھارتی کرکٹر کے ہاں بیٹے کی پیدائش
12 گھنٹے پہلے
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
