21 ستمبر ، 2024 
سکیورٹی کونسل میں لبنان پیجر دھماکے انسانی حقوق کے عالمی قانون کی خلاف ورزی قرار
21 ستمبر ، 2024
لبنان میں پیجر دھماکوں کے بعد اقوام متحدہ کی سلامتی کونسل کا اجلاس میں بے ضرر ڈیوائسز کے غلط استعمال کو انسانی حقوق کے عالمی قوانین کی خلاف ورزی قرار دیدیا گیا۔
اقوام متحدہ کے ہائی کمشنر برائے انسانی حقوق وولکرترک نے کہا کہ اسرائیل کا لبنان پر حملہ جنگی جرائم کے زمرے میں آسکتا ہے۔
انہوں نے کہا کہ شہریوں پر تشدد کے ذریعے دہشت پھیلانا جنگی جرم ہے۔
اقوام متحدہ کے ہائی کمشنر برائے انسانی حقوق کا کہنا تھا کہ انسانی حقوق کا عالمی قانون بے ضرر ڈیوائسز کے غلط استعمال کی ممانعت کرتا ہے۔
سلامتی کونسل کے اجلاس میں لبنانی وزیر خارجہ نے کہا کہ مواصلاتی آلات کے ذریعے حملوں کے بعد اب دنیا میں کوئی محفوظ نہیں رہا، انتقام نہیں ہم انصاف چاہتے ہیں۔
خیال رہے کہ چند روز قبل لبنان میں حزب اللہ کے اراکین سمیت سیولینز کے زیر استعمال پیجر ڈیوائسز دھماکوں سے پھٹ گئیں تھیں جس کے نتیجے میں درجن سے زائد افراد جاں بحق جبکہ 4 سے زیادہ زخمی ہو گئے تھے۔ حزب اللہ نے دھماکوں کا الزام اسرائیل پر عائد کیا تھا۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
7 گھنٹے پہلے
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
