28 فروری ، 2012 
حکومتی قرضے روک سکتے ہیں تاہم منفی اثرات مرتب ہونگے ،یاسین انور
28 فروری ، 2012
کراچی…اسٹیٹ بینک کے گورنر یاسین انور نے کہا ہے کہ وہ کمرشل بینکوں سے حکومت کے قرضوں کے حصول کا سلسلہ کل سے ہی روک سکتے ہیں لیکن اس کے منفی اثرات مرتب ہوں گے۔ اسلام آباد میں سینیٹ قائمہ کمیٹی خزانہ میں بیان دیتے ہوئے یاسین انور نے کہاکہ بینکوں سے اگر حکومت کے قرضے روکے گئے تو سرمائے کی منڈی کو یہ پیغام جائے گا کہ بینک حکومت پر اعتماد نہیں کرتے۔ ان کا کہنا تھاکہ بینکوں سے حکومتی قرضوں کا مسلسل حصول پریشان کن ہے اور صنعتوں کے لیے قرض کا حصہ محدود ہے جو اقتصادی ترقی کے فروغ میں رکاوٹ ہے۔ انہوں نے کہا کہ اقتصادی ترقی کی شرح بڑھانے کے لیے مسائل کا حل صرف سرمایہ، سرمایہ اور سرمایہ ہے۔گور نر اسٹیٹ بینک نے مزید کہا کہ سرمایہ کاری کے لیے طویل المدت پیپر نہیں اور سرمائے کا حصول بڑھانے کے لیے اس کی منتقلی کو رجسٹرڈ کرنا ہوگا۔ انہوں نے بتایا کہ پاکستان میں رہائش کے لیے قرضے سرمائے کا صرف ایک فی صد ہیں جبکہ ترقیاتی ملکوں میں یہ شرح 70 سے 80 فی صد ہے۔
مزید خبریں :
ملکی زرمبادلہ کے ذخائر میں اضافہ ہوگیا
28 نومبر ، 2024
سونے کی قیمت میں کمی، فی تولہ کتنے کا ہوگیا؟
28 نومبر ، 2024
اقتصادی رابطہ کمیٹی کے اہم فیصلوں پر عملدرآمد نہ ہونے کا انکشاف
28 نومبر ، 2024
انٹربینک میں ڈالر مہنگا ہوگیا
27 نومبر ، 2024
ملک میں سونے کی قیمت میں ایک بار پھر اضافہ ہوگیا
27 نومبر ، 2024
روپے کی قدر میں کمی، ڈالر مہنگا ہوگیا
26 نومبر ، 2024
ملک میں سونا مزید سستا ہوگیا
26 نومبر ، 2024
