22 ستمبر ، 2024 
صدارتی انتخابات میں شکست ہوئی تو ٹرمپ کیا کریں گے؟ بڑا اعلان کردیا
22 ستمبر ، 2024
سابق امریکی صدر اور ری پبلکن پارٹی کے صدارتی امیدوار ڈونلڈ ٹرمپ نے نومبر میں ہونے والی امریکی صدارتی انتخابات میں شکست کی صورت میں اپنے منصوبے کے بارے میں بتادیا۔
غیر ملکی خبررساں ایجنسی کے مطابق ایک ٹی وی انٹرویو میں ڈونلڈ ٹرمپ سے سوال کیا گیا کہ اگر انہیں نومبر میں ہونے والے صدارتی انتخابات میں شکست ہوجاتی ہے تو کیا وہ آئندہ انتخاب میں حصہ لیں گے؟
اس سوال کے جواب میں سابق امریکی صدر نے کہا کہ نہیں، میں نہیں سمجھتا کہ پھر انتخاب لڑوں گا۔
تاہم ٹرمپ نے اس امید کا اظہار کیا کہ وہ 5 نومبر کو ہونے والے امریکی صدارتی انتخابات میں کامیاب ہوں گے۔
خیال رہے کہ انتخابات سے قبل ہونے والے مقبولیت کے سرویز میں موجودہ امریکی نائب صدر اور ڈیموکریٹک پارٹی کی صدارتی امیدوار کملا ہیرس اور ڈونلڈ ٹرمپ میں کانٹے کا مقابلہ دیکھا جارہا ہے۔
موجودہ امریکی صدر جوبائیڈن کی جانب سے صدارتی دوڑ سے باہر ہونے کے بعد ڈیموکریٹک پارٹی کی حمایت میں اضافہ دیکھا گیا ہے۔
خیال رہے کہ 2020 کے صدارتی انتخابات میں جوبائیڈن، ڈونلڈ ٹرمپ کو شکست دے کر صدر منتخب ہوئے تھے تاہم ڈونلڈ ٹرمپ نے اپنی شکست تسلیم نہیں کی تھی، اسی دوران 6 جنوری 2021 کو ٹرمپ کی ریلی کے بعد ٹرمپ کے حامیوں نے کیپٹل ہل پر حملہ کردیا تھا۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
6 گھنٹے پہلے
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
