علی امین کی خیبرپختونخوا ہاؤس سے نکلنے کی ایک اور سی سی ٹی وی فوٹیج سامنے آگئی

خیبرپختونخوا کے وزیراعلیٰ علی امین گنڈاپور کی خیبرپختونخوا ہاؤس اسلام آباد سے نکلنے کی ایک اورسی سی ٹی وی فوٹیج سامنے آگئی۔

ویڈیو میں علی امین کو سہ پہر 3 بج کر 24 منٹ پر خیبرپختونخوا ہاؤس میں داخل ہوتے دیکھا جاسکتا ہے۔

علی امین کو شام 4 بجے خیبرپختونخوا ہاؤس کے عقبی دروازے سے باہر جاتے دیکھا جاسکتا ہے۔ ذرائع وزارت داخلہ کا کہنا ہے کہ علی امین 40 منٹ سے بھی کم وقت تک خیبر پختونخوا ہاؤس اسلام آباد میں رہے۔

علی امین کے خیبرپختونخوا ہاؤس سے باہر نکلنے کے فوری بعد مظاہرین کو کثیر تعداد میں باہرجاتے ہوئے بھی دیکھا جا سکتا ہے۔

اس سے قبل گزشتہ روز کی خیبر پختونخوا ہاؤس اسلام آباد کی فوٹیج سامنے آئی تھی جس سے متعلق کہا گیا کہ ویڈیو وزیراعلیٰ خیبرپختونخوا علی امین گنڈاپور کی جو کے پی ہاؤس میں داخل اور وہاں سے باہر نکل رہے ہیں۔

تاہم صوبائی وزیر پختون یارنے دعویٰ کیا ہے کہ خیبر پختونخوا ہاؤس اسلام آباد میں علی امین گنڈاپور سے منسوب ویڈیو میری ہے۔