اولمپکس سے ڈس کوالیفائی ہونیوالی ریسلر نے ریاستی الیکشن میں بی جے پی کو شکست دیدی

100 گرام وزن زیادہ ہونے کی وجہ سے پیرس اولمپکس کے فائنل سے ڈس کوالیفائی ہونیوالی سابق بھارتی خاتون ریسلر  اور کانگریس رہنما  ونیش پھوگاٹ نے بھارتی  ریاستی انتخابات میں بھارتیہ جنتا پارٹی کے امیدوار کو شکست دے دی۔

بھارت میں مقبوضہ جموں وکشمیر اور ہریانہ کے ریاستی انتخابات کے نتائج سامنے آگئے ہیں۔

بھارتی میڈیا کے مطابق مقبوضہ و جموں کشمیر میں انڈین نیشنل کانگریس اور ہریانہ میں حکمران جماعت بھارتیہ جنتا پارٹی (بی جے پی) کو واضح برتری حاصل ہے۔

پیرس اولمپکس 2024 سے وزن کے باعث ڈس کوالیفائی ہونے والی  سابق بھارتی ریسلر ونیش پھوگاٹ نےہریانہ میں ہونے والے ریاستی انتخابات میں بی جے پی کے یوگیش کمار  6015 ووٹوں سے شکست دے دی۔

 ونیش پھوگاٹ نے ہریانہ کے ضلع جولانہ کی سیٹ جیتی اور اس کامیابی کو سچائی کی جیت قرار دے دیا۔

یاد رہے کہ ونیش پھوگاٹ کو محض 100 گرام وزن زیادہ ہونے کی وجہ سے پیرس اولمپکس میں طلائی تمغے کے مقابلے کیلئے نااہل قرار دے دیا گیا تھا۔

ونیش پھوگاٹ نے اولمپکس فائنل سے ڈس کوالیفائی ہونے کے بعد دلبرداشتہ ہوکر ریٹائرمنٹ کا اعلان کیا تھا۔بعد ازاں انہوں نے کانگریس میں شمولیت اختیار کرلی تھی۔

اولمپکس سے ڈس کوالیفائی ہونیوالی بھارتی خاتون ریسلر نے ریٹائرمنٹ کا اعلان کردیا

بھارتی ریسلر نے پیرس اولمپکس کے فائنل میں پہنچ کر ڈس کوالیفائی ہونے پر اپنی قوم سے معذرت کرلی

اولمپکس مقابلوں کے فائنل میں پہنچنے والی بھارتی ریسلر ونیش پھوگاٹ کانگریس میں شامل

ونیش پھوگاٹ اور بجرنگ پونیا اگلے ماہ بھارتی ریاست ہریانہ میں ہونے والے ریاستی انتخابات میں حصہ لیں گے