15 اکتوبر ، 2024 
26 ویں آئینی ترمیم تحریک انصاف کے بغیر نہیں ہوسکتی: جے یو آئی
15 اکتوبر ، 2024
جمیعت علمائے اسلام (جے یو آئی) ف کے رہنما سینیٹر کامران مرتضٰی نے کہا ہے کہ 26 ویں آئینی ترمیم تحریک انصاف کے بغیر نہیں ہوسکتی۔
جیو نیوز کے پروگرام کیپیٹل ٹاک میں گفتگو کرتے ہوئے انہوں نے کہا کہ ہم تحریک انصاف کو ہم نظر انداز نہیں کرسکتے تحریک انصاف کے بغیر اسے ہمیں متفقہ دستور نہیں کہہ سکیں گے۔
سینیٹر کامران مرتضٰی نے کہا کہ آئینی عدالتوں کے قیام پر تجویز دی ہے کہ فی الحال وقت کی ضرورت کے مطابق موجودہ سپریم کورٹ کے اسٹرکچر میں ہی 5 سال کیلئے آئینی بینچ بنادیے جائیں اور بعد میں اس میں تبدیلی کی جاسکتی ہے۔
جے یو آئی رہنم کا کہنا تھا کہ نے کہا کہ ان کے ذاتی علم میں ہے کہ چیف جسٹس قاضی فائز عیسٰی نے استنبول اور عمرے کے ٹکٹ بک کروالیے ہیں، چیف جسٹس قاضی فائز عیسٰی کے عمل سے لگ رہا ہے کہ وہ ریٹائرمنٹ کیلئے ذہنی طور پر تیار ہیں۔
