25 اکتوبر ، 2024 
برطانوی ہائی کمشنر کی پولیٹیکل قونصلر نے پاکستان میں کرکٹ کو جذبے سے بھرپور قرار دیدیا
25 اکتوبر ، 2024
برطانوی ہائی کمشنر کی پولیٹیکل قونصلر زوئے وے نے کہا ہے کہ میں اپنی بہن کو دیکھ کر کرکٹ کی مداح بنی، اوول کرکٹ گراؤنڈ کے پاس رہنے کے بعد ایسا ہو نہیں سکتا کہ آپ کرکٹ کے مداح نہ ہوں۔
جیونیوز سے خصوصی گفتگو کرتے ہوئے برطانوی ہائی کمشنر کی پولیٹیکل قونصلر زوئے وے نے کہا کہ پاکستان میں کرکٹ دیکھنا ہمیشہ سے جوش جذبے سے بھرپور رہا ہے، خوش قسمت ہوں کہ جب انگلینڈ نے 2022 میں کافی عرصہ بعد پاکستان کا تاریخی دورہ کیا تو میں پاکستان میں موجود تھی۔
انہوں نے کہا کہ پنڈی کرکٹ اسٹیڈیم کے آنرز بورڈ کو دیکھ رہی تھی، انگلینڈ نے 2022 میں شاندار پرفارمنس دی تھی۔
زوئے وے کا کہنا تھا کہ برطانیہ میں پاکستان کے بہت شائقین موجود ہیں، انگلینڈ سے تقریباً ڈیڑھ سو شائقین پاکستان پہنچے ہیں، انگلینڈ کے شہری پاکستان کرکٹ کی محبت میں پہنچے ہیں، انگلینڈ کے شہری جب واپس جائیں گے تو پاکستان کو مزید بہتر سمجھ کر جائیں گے۔
انہوں نے کہا کہ پاکستان میں کئی غیرملکی شائقین کرکٹ کو میں نے کرکٹ دیکھتے دیکھتا ہے، انگلینڈ کرکٹ کے سپورٹرز کی بارمی آرمی بھی پاکستان پہنچی اور دوستانہ کرکٹ میچ بھی کھیلا۔
مزید خبریں :
پی سی بی نے میر حمزہ کو اسکواڈ سے ریلیز کردیا
24 اکتوبر ، 2024
لاہور قلندرز کی ٹیم گیانا میں ہونیوالی گلوبل سپر لیگ میں شرکت کریگی
24 اکتوبر ، 2024
