پاکستان
23 فروری ، 2013
23 فروری ، 2013 
بے نظیر بھٹو قتل کیس ،عدالت نے مزید 4 گواہان کو طلب کر لیا
23 فروری ، 2013
راولپنڈی…بے نظیر بھٹو قتل کیس میں راولپنڈی میں انسداد دہشت گردی کی عدالت میں 2 گواہاں پر جرح مکمل کر لی گئی،مزید4 گواہاں کو پیر کو عدالت میں طلب کر لیا گیا۔راولپنڈی میں انسداد دہشت گردی عدالت میں بے نظیر بھٹو قتل کیس کی سماعت ہوئی،بے نظیر بھٹو قتل کیس کے دونوں گواہاں ریسکیو1122 کے ضلعی افسرڈاکٹر عبدالرحمان اور فائر بریگیڈ افسر غلام محمد کے پچھلے دیئے گئے بیانات پر جرح مکمل کر لی گئی۔جرح دو ملزمان سابق سی پی او سعید عزیز اور سابق ایس پی راول ٹاون خرم شہزاد کے وکیل ملک رفیق نے کی۔ عدالت نے مزید 4 گواہان احمد مسعود جنجوعہ،انسپکٹر اعجاز شاہ،ڈاکٹر حنا اور ڈاکٹر ردا کو پیر کو طلب کر لیا۔ سماعت پیر تک ملتوی کر دی گئی۔
