17 نومبر ، 2024 
معیشت مستحکم ہو رہی ہے، مہنگائی 38 سے7 فیصد پر آگئی: وفاقی وزیر خزانہ
17 نومبر ، 2024
وفاقی وزیر خزانہ محمد اورنگزيب نےکہا ہےکہ معیشت مستحکم ہو رہی ہے اور مہنگائی 38 فیصد سے7 فیصد پر آگئی ہے۔
اسلام آباد میں پریس کانفرنس کرتے ہوئے وفاقی وزیر خزانہ محمد اورنگزيب نےکہا کہ حکومتی اقدامات کے نتیجے میں مہنگائی اور شرح سود میں کمی آگئی، زر مبادلہ ذخائر بڑھ رہے ہيں، مالیاتی اداروں کا اعتماد بڑھ رہا ہے۔
وفاقی وزیر خزانہ محمد اورنگزيب نےکہا کہ امریکا میں موڈیز، فچ اور دیگر ریٹنگ ایجنسیوں کے ساتھ مثبت میٹنگ ہوئی، پاکستان کی معیشت مستحکم ہورہی ہے، حکومتی اقدامات سے معیشت درست سمت کی جانب گامزن ہے، زرمبادلہ کے ذخائر میں اضافہ ہو رہا ہے۔
وفاقی وزیر خزانہ کا کہنا تھا کہ وزیراعظم جلد معاشی روڈ میپ پیش کریں گے، چاروں وزرائے اعلیٰ نے معیشت کی بہتری کے لیے تعاون کا یقین دلایا ہے، معیشت کی بہتری کے لیے مقررہ اہداف حاصل کرليں گے، ٹیکس نیٹ میں اضافہ کیا جا رہا ہے۔
ان کا کہنا تھا کہ معیشت کی بہتری کے لیے تمام سیکٹرز کو کردار ادا کرنا ہے، ٹیکس ریونیو بڑھانےکے لیے سب کو اپنا حصہ ڈالنا ہوگا، ملک کے تمام شعبوں میں اصلاحات کا عمل جاری ہے۔
مزید خبریں :
ملک میں سونےکی قیمت میں کمی، فی تولہ قیمت کیا ہوگئی؟
16 نومبر ، 2024
حکومت کا پیٹرولیم مصنوعات کی قیمتیں برقرار رکھنے کا فیصلہ
15 نومبر ، 2024
ملک میں سونے کی فی تولہ قیمت میں سیکڑوں روپے کا اضافہ
15 نومبر ، 2024
