17 نومبر ، 2024 
پی سی بی نے جیسن گلیسپی کو ریڈ بال کوچ کے عہدے سے فوری ہٹانےکی تردیدکردی
17 نومبر ، 2024
لاہور: پاکستان کرکٹ بورڈ (پی سی بی) کا کہنا ہے کہ جیسن گلیسپی ہی پاکستان ریڈ بال کرکٹ ٹیم کی کوچنگ کریں گے۔
پی سی بی کی جانب سے جاری بیان میں کرکٹ ویب سائٹ کی خبروں کی تردید کی گئی ہے۔
کرکٹ ویب سائٹ نے جیسن گلیسپی کو ہٹانے اور عاقب جاوید کو تینوں فارمیٹس کا ہیڈ کوچ مقرر کرنے کی خبر دی تھی۔
پی سی بی کا کہنا ہے کہ جیسن گلیسپی جنوبی افریقا کے خلاف دو ٹیسٹ میچز کی سیریز کے لیے پاکستان ٹیم کے ریڈ بال کوچ ہوں گے۔
خیال رہے کہ دورہ آسٹریلیا سے قبل گیری کرسٹن نے ہیڈ کوچ کے عہدے سے استعفیٰ دے دیا تھا، جس کے بعد ریڈ بال کے ہیڈ کوچ جیسن گلیسپی کو دورہ آسٹریلیا کے لیے عبوری کوچ مقرر کیا گیا تھا۔
کرکٹ ویب سائٹ کی خبر پر پی سی بی نے تردید جاری کرتے ہوئے وضاحت کی ہےکہ جیسن گلیسپی ہی پاکستان ریڈ بال کرکٹ ٹیم کی کوچنگ کریں گے تاہم وائٹ بال کوچ کے حوالے سے پی سی بی نے کوئی وضاحت نہیں کی۔
پاکستان ٹیم 10 دسمبر سے 7 جنوری تک جنوبی افریقا کے خلاف سیریز کھیلے گی جس میں 3 ٹی ٹوئنٹی، 3 ون ڈے اور 2 ٹیسٹ میچز شامل ہیں۔
مزید خبریں :
کراچی پریمیئر لیگ ملیر ڈولفنز نے جیت لی
11 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
