18 نومبر ، 2024 
ویڈیو: بھارتی کرکٹر سنجو سیمسن کا چھکا تماشائی کے منہ پر جا لگا، خاتون رو پڑیں
18 نومبر ، 2024
بھارتی کرکٹر سنجو سیمسن کے چھکے نے کراؤڈ میں بیٹھی خاتون تماشائی کو رُلا دیا جس کی ویڈیوز سوشل میڈیا پر منظرِ عام پر آئی ہیں۔
تین روز قبل بھارت نے جنوبی افریقا کو چوتھے ٹی ٹوئنٹی انٹرنیشنل میں 135 رنز کے بھاری مارجن سے شکست دے کر سیریز 1-3 سے اپنے نام کی۔ سنجو سیمسن نے اس میچ میں 56 گیندوں پر 109 رنز کی شاندار اننگز کھیلی۔
سنجو سیمسن کی یہ گزشتہ 5 ٹی ٹوئنٹی انٹرنیشنل اننگز میں تیسری سنچری تھی۔
اس کے علاوہ اس میچ میں سنجو نے ریکارڈ بھی قائم کیا، جنوبی افریقا کے خلاف 109 رنز بنانے والے سنجو سیمسن ایک کلینڈر ایئر میں 3 ٹی ٹوئنٹی انٹرنیشنل سنچری اسکور کرنے والے دنیا کے پہلے کرکٹر بن گئے۔
خاتون کے چہرے پر گیند جا لگی:
بیٹنگ کے دوران سنجو سیمسن کی جانب سے افریقی بولر کو زوردار چھکا مارا گیا اور گیند کراؤڈ میں کھڑی ایک خاتون کے جبڑے پر جالگی، ویڈیو میں خاتون کو درد سے کراہتے اور روتے بھی دیکھا جاسکتا ہے۔
سنجو کی جانب سے خاتون سے اسی وقت معافی بھی مانگنے کا اشارہ کیا گیا۔
مزید خبریں :
رونالڈو نے ریٹائرمنٹ سے متعلق اپنے منصوبے کا اعلان کر دیا
18 نومبر ، 2024
کراچی پریمیئر لیگ ملیر ڈولفنز نے جیت لی
17 نومبر ، 2024
