18 نومبر ، 2024 
کالج میں ریگنگ کے دوران گھنٹوں تک کھڑا رہنے والا طالب علم انتقال کرگیا
18 نومبر ، 2024
نئی دہلی: بھارتی ریاست گجرات میں طلبہ کا کالج کے نئے طالب علم سے مذاق اس کی جان لے گیا۔
بھارتی میڈیا کے مطابق واقعہ ریاست گجرات کے ایک میڈیکل کالج میں پیش آیا جہاں مبینہ طور پر سینیئرز کی جانب سے ایک طالب علم کو ریگنگ کے طور پر 3 گھنٹے تک کھڑا رکھا گیا۔
رپورٹ کے مطابق سینئرز طلبہ نے 18 سالہ فرسٹ ائیر کے طالب علم انیل کو گھنٹوں تک کھڑا رکھا جس سے اس کی طبیعت خراب ہوگئی اور اسے اسپتال لے جانا پڑ گیا جہاں انیل نے بتایا کہ اسے 3 گھنٹے تک کھڑا رکھا گیا۔
بھارتی میڈیا کے مطابق نوجوان طالب علم اسپتال لے جانے کے کچھ دیر بعد انتقال کرگیا جس کی لاش کو پوسٹ مارٹم کے لیے بھیجا گیا ہے تاکہ طالب علم کے موت کی وجوہات معلوم ہوسکیں۔
پولیس کا کہنا ہےکہ اس سلسلے میں مقدمہ درج کرلیا گیا ہے جس میں 15 افراد کو نامزد کیا گیا ہے۔
مزید خبریں :
بیروت: اسرائیلی حملے میں حزب اللہ کے ترجمان شہید
6 گھنٹے پہلے
شمالی غزہ میں اسرائیلی فوج کےکیپٹن سمیت 2 اہلکار ہلاک
17 نومبر ، 2024
