02 دسمبر ، 2024 
افغان کرکٹر نے ایک دن میں 2 شہروں میں 2 میچ کیسے کھیلے؟ کرکٹر کے کارنامے سے سب حیران
02 دسمبر ، 2024
افغانستان کی انڈر 19 ٹیم کے کھلاڑی نے کرکٹ میں انوکھا کام کر دکھایا۔
افغان کھلاڑی اللہ محمد غضنفر نے 5 دنوں میں 3 شہروں کے اندر 5 میچ کھیلے، اللہ غضنفر ایک میچ کھیل کر دوسرے میچ کے لیے پہنچ جاتے، وہ یواے ای میں جاری انڈر 19 ایشیاکپ میں افغانستان ٹیم کا حصہ ہیں۔
افغانستان انڈر 19 ٹیم کے ساتھ اللہ غضنفرنے ٹی 10 لیگ میں ابو ظبی ٹیم کی بھی نمائندگی کی، انہوں نے اس دوران ایک دن میں 2 شہروں میں 2 میچ کھیل کر سب کو حیران کر دیا۔
کرکٹر نے 27 نومبر کو ابو ظبی کے میدان میں ابو ظبی اور بریوز کے درمیان ٹی 10 میچ کھیلا جب کہ 29 نومبر کو افغانستان انڈر 19اور بنگلادیش کے درمیان میچ میں حصہ لیا۔
اللہ غضنفر 30 نومبر کو ابوظبی میں ٹی 10 لیگ میں واریئرز کےخلاف ان ایکشن ہوئے اور یکم دسمبر کو پہلے شارجہ میں سری لنکا انڈر 19 کے خلاف ملک کی نمائندگی کی، پھر میچ کے بعد تیز رفتاری سے ابوظبی پہنچے جہاں بُلز کےخلاف ٹی 10 لیگ کا میچ کھیلا۔
تاہم کھلاڑی کے ایک ساتھ 2 مختلف ایونٹس کھیلنے پر سوالات اٹھنا شروع ہوگئے جب کہ افغانستان ٹیم نے ابھی اللہ غضنفر کے 2 ایونٹ کھیلنے پر کوئی جواب نہیں دیا۔
مزید خبریں :
پاکستان بلائنڈکرکٹ ٹیم ٹی 20 ورلڈکپ کے فائنل میں پہنچ گئی
01 دسمبر ، 2024
پاکستان نے زمبابوے کو پہلے ٹی ٹوئنٹی میں شکست دے دی
01 دسمبر ، 2024
پاکستانی آل راؤنڈر فہیم اشرف کے ہاں جڑواں بچوں کی پیدائش
01 دسمبر ، 2024
جونیئر ہاکی ایشیا کپ میں پاکستان کی مسلسل تیسری فتح
01 دسمبر ، 2024
