05 دسمبر ، 2024 
بھارتی کرکٹر نے ٹی ٹوئنٹی میں 28 گیندوں پر دھواں دار سنچری بنا ڈالی
05 دسمبر ، 2024
بھارتی کرکٹر ابھیشیک شرما نے ڈومیسٹک ٹی ٹوئنٹی ٹورنامنٹ سید مشتاق علی ٹرافی میں 28 گیندوں پر دھواں دار سنچری بنا ڈالی۔
جمعرات کو بھارت کے ڈومیسٹک ٹورنامنٹ سید مشتاق علی ٹرافی میں پنجاب کی نمائندگی کرتے ہوئے ابھیشیک شرما نے میگھالیاکے خلاف 29 گیندوں پر 106 رنز کی برق رفتار اننگز کھیلی۔
میگھالیاکے 143 رنز کے ہدف کے تعاقب میں بائیں ہاتھ کے نوجوان بیٹر ابھیشیک شرما نے 28 گیندوں پر سنچری مکمل کی۔ان کی اننگز میں 11 چھکے اور 8 چوکے شامل تھے۔
یہ مشترکہ طور پر بھارتی بیٹر کی ٹی ٹوئنٹی کرکٹ میں تیز ترین سنچری ہے۔
اس سے قبل سید مشتاق علی ٹرافی میں ہی گزشتہ ہفتے گجرات کے ارویل پٹیل نے بھی تریپورا کے خلاف 28 گیندوں پر سنچری بنائی تھی۔
پنجاب نے میگھالیاکا 143 رنز کا ہدف 3 وکٹوں کے نقصان پر 9.3 اوورز میں مکمل کرلیا۔
واضح رہے کہ ٹی ٹوئنٹی کرکٹ میں تیز ترین سنچری کا ریکارڈ استونیا کے ساحل چوہان کے پاس ہیں جنہوں نےرواں سال جون میں قبرص کے خلاف صرف 27 گیندوں میں سنچری بنائی تھی۔
یاد رہے کہ ابھیشیک شرما نے بھارت کی جانب سے 12 ٹی ٹوئنٹی انٹرنیشنل میچز بھی کھیلے ہیں۔ جبکہ وہ آئی پی ایل میں سن رائزز حیدرآباد کی نمائندگی کرتے ہیں۔
مزید خبریں :
آئی سی سی نے مینز کرکٹر آف دی ایئر کا اعلان کر دیا
2 گھنٹے پہلے
آئی سی سی کے سی ای او اپنے عہدے سے دستبردار ہوگئے
6 گھنٹے پہلے
