سپریم کورٹ: سانحہ 9 مئی پر جوڈیشل کمیشن کی تشکیل، انتخابی دھاندلی کیخلاف عمران کی درخواستیں سماعت کیلئے مقرر

اسلام آباد: سپریم کورٹ نے 9 مئی سانحہ پر جوڈیشل کمیشن تشکیل دینے کی درخواست سماعت کے لیے مقرر کردی۔

بانی پاکستان تحریک انصاف (پی ٹی آئی) عمران خان نے 9 مئی سانحہ کی تحقیقات کے لیے سپریم کورٹ میں درخواست دائر کی تھی۔

جسٹس امین الدین خان کی سربراہی میں 7 رکنی آئینی بینچ 10 دسمبر کو درخواست کی سماعت کرے گا۔

بانی پی ٹی آئی نے درخواست میں سویلین کے ملٹری کورٹ ٹرائل کو کالعدم قرار دینے کی استدعا بھی ہے۔

انتخابی دھاندلی کیخلاف عمران خان کی درخواست سماعت کیلئے مقرر

سپریم کورٹ میں انتخابی دھاندلی کےخلاف بانی پی ٹی آئی کی درخواست بھی سماعت کے لیے مقرر کردی گئی۔

جسٹس امین الدین کی سربراہی میں 7 رکنی آئینی بینچ 11 دسمبر کو درخواست کی سماعت کرےگا۔

پریکٹس اینڈ پروسیجر آرڈیننس کیخلاف درخواستیں سماعت کیلئےمقرر

سپریم کورٹ پریکٹس اینڈ پروسیجر آرڈیننس کے خلاف درخواستیں بھی سماعت کے لیے مقرر کردی گئیں۔

جسٹس امین الدین کی سربراہی میں 7 رکنی آئینی بینچ 12 دسمبر کو درخواستوں کی سماعت کرےگا۔

پی ٹی آئی رہنماؤں کیخلاف مقدمات کے اندراج کیخلاف درخواست سماعت کیلئے مقرر

سپریم کورٹ میں تحریک انصاف کے رہنماؤں کے خلاف مقدمات کے اندراج کے خلاف درخواست سماعت کے لیے مقرر کردی گئی۔

جسٹس امین الدین کی سربراہی میں سات رکنی آئینی بینچ 10 دسمبر کو درخواست کی سماعت کرےگا۔

تحریک انصاف کی رہنما سیمابیہ طاہر نے سپریم کورٹ میں درخواست دائر کر رکھی ہے۔

چیف الیکشن کمشنرکی تعیناتی کیخلاف درخواست سماعت کیلئے مقرر

سپریم کورٹ میں چیف الیکشن کمشنر سکندر سلطان راجہ کی تعیناتی کے خلاف بھی درخواست سماعت کے لیے مقرر کردی گئی۔

جسٹس امین الدین کی سربراہی میں7 رکنی بینچ 11 دسمبر کو درخواست کی سماعت کرےگا۔

عمران خان کو خیبر پختونخوا جیل منتقل کرنےکی درخواست سماعت کیلئے مقرر

سپریم کورٹ میں بانی پی ٹی آئی کو اڈیالہ جیل سے خیبر پختونخوا جیل منتقل کرنےکی درخواست بھی سماعت کے لیے مقرر کردی گئی۔

جسٹس امین الدین  کی سربراہی میں 7 رکنی آئینی بینچ 10 دسمبر کو درخواست کی سماعت کرےگا۔

شہری نے سکیورٹی وجوہات کی بنا پر بانی پی ٹی آئی کی جیل سے منتقلی کی درخواست دائر کی تھی۔

صحافی ارشد شریف قتل از خود نوٹس کیس سماعت کیلئے مقرر

سپریم کورٹ نے صحافی ارشد شریف قتل از خود نوٹس کیس بھی سماعت کے لیے مقرر کردیا ہے۔

جسٹس امین الدین کی سربراہی میں سپریم کورٹ کا آئینی بینچ 9 دسمبر کو ارشد شریف ازخود نوٹس کیس کی سماعت کرےگا۔

فوجی عدالتوں کے فیصلے کیخلاف انٹرا کورٹ اپیلیں سماعت کیلئے مقرر

سپریم کورٹ میں فوجی عدالتوں کے فیصلے کےخلاف انٹرا کورٹ اپیلیں سماعت کے لیے مقرر کردی گئیں۔

جسٹس امین الدین کی سربراہی میں 7 رکنی آئینی بینچ 9 دسمبر کو انٹرا کورٹ اپیلوں پر سماعت کرےگا۔

فون ٹپینگ کا 28 سالہ پرانا مقدمہ بھی سماعت کیلئے مقرر

سپریم کورٹ میں فون ٹپینگ کا 28 سالہ پرانا مقدمہ بھی سماعت کےلیے مقرر کردیا گیا۔

فون ٹیپنگ اور جاسوسی کے آلات کی تنصیب کے خلاف سپریم کورٹ نے 1996 میں انسانی حقوق سیل میں آنے والی درخواست پر نوٹس لیا تھا۔

عدالت نے اٹارنی جنرل اور ڈی جی انٹیلی جنس بیورو کو نوٹس جاری کر دیے۔

تھرکے اسپتال میں بچوں کی اموات کا کیس سماعت کیلئے مقرر

سپریم کورٹ کے آئینی بینچ کے سامنے تھر کے علاقے مٹھی اسپتال میں بچوں کی اموات کا کیس سماعت کے لیے مقرر کردیا گیا۔

جسٹس امین الدین کی سربراہی میں 7 رکنی بینچ 9 دسمبر کو کیس کی سماعت کرے گا۔ عدالت نے سندھ حکومت اور متعلقہ حکام کو نوٹس جاری کر دیے۔

جوڈیشل کمیشن کے فیصلے کے مطابق جسٹس شاہد بلال کو سپریم کورٹ کے 7 رکنی آئینی بینچ میں شامل کر لیا گیا ہے۔

جسٹس امین الدین کی سربراہی میں سات رکنی آئینی بینچ میں جسٹس جمال مندوخیل، جسٹس محمد علی مظہر، جسٹس حسن رضوی، جسٹس مسرت ہلالی، جسٹس نعیم افغان اور جسٹس شاہد بلال شامل ہیں۔

کے پی حکومت کا 9 مئی واقعات پر جوڈیشل کمیشن کی تشکیل کیلئے خط پشاور ہائیکورٹ کو موصول

صوبائی حکومت نے ہائی کورٹ کے چیف جسٹس سے جوڈیشل کمیشن کے لیے جج مقرر کرنے کی درخواست کی ہے

9 مئی جی ایچ کیو حملہ کیس میں عمران خان پر فرد جرم عائدکردی گئی

مقدمے میں بانی پی ٹی آئی سمیت 143 ملزمان نامزد ہیں، 23 ملزمان کو عدالت پہلے ہی اشتہاری قرار دے چکی ہے