18 دسمبر ، 2024 
پیرا لمپکس میڈلسٹ حیدر علی کو 50 لاکھ روپے کا کیش ایوارڈ دیدیا گیا
18 دسمبر ، 2024
پاکستان اسپورٹس بورڈ (پی ایس بی) کی جانب سے پیرا لمپکس میڈلسٹ حیدر علی کو 50 لاکھ روپے کا کیش ایوارڈ دے دیا گیا۔
پاکستان اسپورٹس بورڈ نے حال ہی میں منظور کی گئی پالیسی کے تحت پیرالمپکس میں پاکستان کے لیے برانز میڈل جیتنے والے حیدرعلی کو 50 لاکھ روپے کا کیش ایوارڈ دیا۔
کیش انعام کا چیک وزیراعظم کے مشیر برائے بین الصوبائی رابطہ رانا ثناء اللہ خان نے حیدر علی کو دیا۔
اس موقع پر وزیراعظم کے مشیر برائے بین الصوبائی رابطہ رانا ثناء اللہ خان کا کہنا تھا کہ حیدر علی نے اپنی محنت اور عزم سے پوری قوم کا سر فخر سے بلند کیا، حکومت کھیلوں کے فروغ اور کھلاڑیوں کی حوصلہ افزائی کے لیے ایسے اقدامات جاری رکھے گی۔
پاکستان اسپورٹس بورڈ کے حکام نے بھی اس موقع پر حیدر علی کی کامیابی کو سراہتے ہوئے کہا کہ یہ ایوارڈ ان کی شاندار کارکردگی اور ملک کے لیے خدمات کا اعتراف ہے۔
حکومت کی نئی پالیسی کے تحت دیگر قومی اور بین الاقوامی سطح پر نمایاں کارکردگی دکھانے والے کھلاڑیوں کو بھی انعامات دیے جائیں گے۔
مزید خبریں :
کرکٹ میچ کے دوران 31 سالہ بیٹر دل کا دورہ پڑنے سے چل بسا
17 دسمبر ، 2024
پہلا ون ڈے: پاکستان نے جنوبی افریقا کو 3 وکٹوں سے شکست دے دی
18 دسمبر ، 2024
