18 دسمبر ، 2024 
محسن نقوی کی سعودی شہزادے سے ملاقات، سعودی کرکٹرز کو تربیت دینے کی پیشکش
18 دسمبر ، 2024
پاکستان کرکٹ بورڈ کے چیئرمین محسن نقوی کی سعودی عربیہ کرکٹ فیڈریشن کے چیئرمین شہزادہ سعود بن مشعل السعود سے ملاقات ہوئی جس میں انہوں نے سعودی کھلاڑیوں کو تربیت دینے کی پیشکش کی ہے۔
ریاض میں ہونے والی ملاقات میں سعودی عرب میں کرکٹ کے فروغ اور کھلاڑیوں کی ڈویلپمنٹ پر تبادلہ خیال کیا گیا۔
چیئرمین پی سی بی محسن نقوی نے چیئرمین سعودی عربیہ کرکٹ فیڈریشن سعود بن مشعل السعود کو چیمپئنز ٹرافی ٹورنامنٹ کے میچز دیکھنے کے لیے پاکستان کے دورے کی دعوت دی۔
ملاقات میں محسن نقوی نے کرکٹ کے فروغ اور اسٹیڈیمز کی تعمیر کے حوالے سے ہر ممکن تعاون کی اور سعودی عرب کے کھلاڑیوں کو تربیت دینے کی پیشکش بھی کی۔
چیئرمین پی سی بی محسن نقوی کا کہنا تھا کہ کرکٹ ڈویلپمنٹ کے لیے پلیئرز ایکسچینج پروگرام شروع کیا جا سکتا ہے۔ سعودی عرب اپنے ابھرتے ہوئے کھلاڑیوں کو پاکستان بجھوا سکتا ہے جبکہ کرکٹ ڈویلپمنٹ اور اسٹیڈیمز کی تعمیر کے حوالے سے پوری معاونت کریں گے۔
دوسری جانب چیئرمین سعودی عربیہ کرکٹ فیڈریشن نے کہا کہ ہم پلیئرز ڈویلپمنٹ پر کام کر رہے ہیں۔ ہم پاکستان کے ساتھ کرکٹ کے فروغ کیلئے قریبی تعاون کے ساتھ کام کرنا چاہتے ہیں۔
مزید خبریں :
