05 جنوری ، 2025 
کراچی: شاہ فیصل کالونی میں 6 سالہ بچہ کھلےگٹر میں گرکر جاں بحق
05 جنوری ، 2025
کراچی کے علاقے شاہ فیصل کالونی میں 6 سالہ بچہ کھلے ہوئےگٹر میں گرکر جاں بحق ہوگیا۔
ریسکیو حکام کے مطابق بچےکےکھلےگٹر میں گرنےکا واقعہ شاہ فیصل کالونی 2 نمبر میں پیش آیا۔
گٹر میں تیز بہاؤ کی وجہ سے لاش بہہ کرکورنگی پل کے نیچے نالے تک پہنچ گئی۔ پولیس کے مطابق بچےکی لاش جائے وقوعہ سے تقریباً 2 کلو میٹر دور سے ملی ہے۔
ایمبولینس سروس کے عملے نے 2 گھنٹے کی جدوجہد کے بعد بچےکی لاش گٹر سے نکالی۔ ایمبولینس سروس کا عملہ سیفٹی کٹ اور آکسیجن ماسک کے بغیر گٹر میں اترا۔
6 سالہ عباد محمود آباد سے ماموں کی شادی میں شاہ فیصل کالونی کے شادی ہال میں آیا تھا، باہر نکلا تو کھلےگٹر میں گرگیا۔
ریسکیو حکام کے مطابق سال 2024 میں کراچی میں 19 بچے گٹر اور نالوں میں گر کر جاں بحق ہوئے۔
