20 جنوری ، 2025 
غزہ: اسرائیلی فوج سے لڑتے ہوئے شہید ہونیوالوں کی گھر میں تدفین، شناخت کیلئے دیوار پر درج ناموں کی تصویر وائرل
20 جنوری ، 2025
شمالی غزہ کے علاقے جبالیہ کے ایک گھر میں اسرائیلی فوج سے لڑنے والے مزاحمت کاروں کی قبروں کی تصویر سوشل میڈیا پر وائرل ہوگئی۔
عرب میڈیا کی جانب سے جاری کی گئی تصویر میں دیکھا جاسکتا ہے کہ گھر کے کمرے کا فرش کھدا ہوا ہے جبکہ دیوار پر تحریر بھی درج ہے۔
دیوار پر دو شہدا موسیٰ ولید کباجہ اور مہند یاسر موسیٰ کے نام در ج ہیں اور اس کے اوپر ’معرکہ فلوجہ کے ہیرو‘ درج ہے، خیال رہے کہ فلوجہ جبالیہ کیمپ کے ایک علاقے کا نام ہے۔
دیوار پر دونوں شہدا کی شہادت کی تاریخ 31 دسمبر 2024 درج ہے۔
عرب میڈیا کی جانب سے دعویٰ کیا گیا ہے کہ مہند یاسر موسیٰ حماس کے عہدیدار یاسر موسیٰ کے بیٹے تھے اور اس سے قبل مہند کے 4 بھائی بھی غزہ میں شہید ہوچکے ہیں۔
خیال رہےکہ گزشتہ روز غزہ میں جنگ بندی کے آغاز کے بعد فلسطینیوں نے شمالی غزہ میں لوٹنا شروع کردیا ہے۔
عرب میڈیا کے مطابق اپنے علاقوں میں واپس لوٹنے والے فلسطینیوں کو عمارتوں کے ملبے میں اسرائیلی بمباری سے شہید ہونے والوں کی باقیات مل رہی ہیں۔
