29 جنوری ، 2025 
کراچی: گلشن جمال میں ڈاکوؤں نے گھر کے باہر شہری سے 35 لاکھ لوٹ لیے، ویڈیو سامنے آگئی
29 جنوری ، 2025
کراچی: گلشن جمال میں گھرکی دہلیز پر شہری سے لوٹ مار کی سی سی ٹی وی سامنے آگئی۔
ڈکیتی کی یہ واردات گزشتہ رات ہوئی جس میں گلشن جمال میں بینک سے پیسے لے کر آنے والے ایک شہری سے گھرکی دہلیز پر لوٹ مار کی گئی۔
شہری سے لوٹ مار کی سی سی ٹی وی سامنے آگئی جس میں دیکھا جاسکتا ہے کہ موٹرسائیکل سوار مسلح ملزمان شہری کا تعاقب کرتے ہوئے گلشن جمال میں اس کے گھر تک پہنچے۔
ویڈیو میں دیکھا جاسکتا ہے کہ مسلح ملزمان کو دیکھ کر شہری نے گاڑی لاک کرلی تو ایک ملزم نے اسلحہ کے زور پر شہری کو گاڑی میں ہی محصور کردیا جب کہ 2 ملزمان نے پستول کے بٹ مار کر شہری کی گاڑی کا شیشہ توڑ دیا۔
ویڈیو میں ملزمان کو گاڑی سے رقم سے بھرا بیگ نکال کر فرار ہوتے دیکھا جاسکتا ہے۔
پولیس کا کہنا ہےکہ مسلح ملزمان شہری سے 35 لاکھ روپے لوٹ کر فرار ہوئے، سی سی ٹی وی کی مدد سے ملزمان کو گرفتار کرنےکی کوشش کی جارہی ہے۔
مزید خبریں :
کراچی: 100 سے زائد ڈکیتیوں میں مطلوب ملزم پولیس کی حراست سے فرار
29 جنوری ، 2025
نارتھ کراچی میں گھر سے خاتون کی پھندا لگی لاش برآمد
28 جنوری ، 2025
بدین:جعلی عامل کے تشدد سے خاتون جاں بحق
27 جنوری ، 2025
لاہور سے لاپتا ہوئی خاتون وکیل کی لاش حافظ آباد کی نہر سے برآمد
27 جنوری ، 2025
کراچی: شاہ فیصل کالونی میں کار چوری کی ویڈیو سامنے آگئی
27 جنوری ، 2025
