25 جون ، 2025 
کراچی: 13 سال سے بنگلے میں کام کرکے 5 کروڑ کی جائیداد بنانے والی گھریلو ملازمہ بلآخر پکڑی گئی
25 جون ، 2025
کراچی: پولیس نے ڈیفنس کے بنگلے سے 5 کروڑ چوری کرکے جائیدادیں بنانے والی ملازمہ کو گرفتار کرلیا۔
پولیس کے مطابق ملازمہ 2013 سے ڈیفنس فیز 5 کے بنگلے میں کام کرتی تھی جس نے ملازمت کے دوران 5 کروڑ روپے کی چوری کی۔
پولیس نے بتایا کہ ملازمہ کے خلاف مقدمہ کلفٹن تھانے میں بنگلےکی مالکن کی مدعیت میں 16جون کو درج ہوا جس کے بعد پولیس نے کارروائی کرتے ہوئے اسے گرفتار کرلیا جب کہ دوران تفتیش خاتون نے 5 کروڑ روپے چوری کرنے کا اعتراف بھی کیا ہے۔
پولیس نے مزید بتایا کہ ملزمہ نے چوری کے پیسوں سے گزری میں 50 لاکھ روپےکا فلیٹ خریدا، پنجاب میں 36 لاکھ مالیت کے 2 پلاٹ خریدے جب کہ ایک کروڑ کی گاڑیاں اور 70 لاکھ کی دکان بھی خریدی۔
پولیس کے مطابق ملزمہ سے گاڑیاں، موٹر سائیکلیں اور 46 لاکھ نقدی برآمد کی گئی ہے، خاتون کی دکانوں اور فلیٹس کو سیل کردیا گیا ہے جب کہ خاتون اکیلے ہی ساری کارروائیاں کرتی تھی۔
پولیس کے مطابق بنگلے کی مالک خاتون نے بتایا کہ ان کے شوہربیرون ملک مقیم ہیں اور وہیں کاروبار کرتے ہیں، 13 سال سےخاتون گھر میں ملازمت کررہی تھی، ملازمہ نے5 کروڑ روپےکی رقم چوری کی ہے۔
مزید خبریں :
ایس آئی یو نے کراچی سے ’را‘ کے 4 ایجنٹ گرفتار کرلیے
5 گھنٹے پہلے
