30 جنوری ، 2025 
پاکستان سے برطانیہ کیلئے براہ راست پروازوں پر پابندی کے خاتمے سے قبل اہم پیشرفت
30 جنوری ، 2025
کراچی: پاکستان سے برطانیہ کے لیے براہ راست پروازوں پر پابندی کے خاتمے سے قبل اہم پیشرفت سامنے آئی ہے۔
ذرائع کے مطابق پاکستان کے مختلف ائیر پورٹس پر تعینات عملے کی امیگریشن تربیت شروع کر دی گئی ہے۔
ذرائع کا کہنا ہے کہ برطانوی ہائی کمیشن کی ٹیم نے فیصل آباد انٹرنیشنل ائیر پورٹ پہنچ کر برطانیہ کے لیے پروازوں کے مسافروں کی امیگریشن کے عمل پر بریفنگ لی۔
ذرائع کا بتانا ہے کہ برطانوی ٹیم نے فیصل آباد انٹرنیشنل ائیر پورٹ پر مسافروں کی امیگریشن سے متعلق ٹریننگ دی، ایف آئی اے، ائیر لائنز، گراؤنڈ ہینڈلنگ سروس کمپنیوں کے ملازمین نے تربیتی سیشنز میں حصہ لیا۔
ذرائع کے مطابق تربیت پاکستان سے برطانیہ جانے والی ممکنہ نئی پروازوں کی تیاریوں کا حصہ ہے، برطانوی ٹیم کراچی، لاہور، اسلام آباد سمیت تمام انٹرنیشنل ائیرپورٹس کا دورہ کر کے تربیتی سیشنز کرے گی، برطانیہ کے لیے پاکستان سے براہ راست پروازیں شروع کرنے سے قبل امیگریشن تربیت اہم ہے۔
