13 فروری ، 2025 
سہ ملکی سیریز کے فائنل میں پاکستان سے زبردست میچ کی امید ہے: مچل سینٹنر
13 فروری ، 2025
نیوزی لینڈکرکٹ ٹیم کےکپتان مچل سینٹنر کا کہنا ہےکہ پاکستان نے آخری میچ میں شاندار طریقے سے ہدف مکمل کیا، سہ ملکی سیریز کے فائنل میں بھی ایک زبردست میچ کی امید ہے۔
کراچی میں پریس کانفرنس کرتے ہوئے مچل سینٹنر کا کہنا تھا کہ میچز ہائی اسکورنگ ہورہے ہیں، فائنل میں بھی یہی امید ہے۔
کیوی کپتان کا کہنا تھا کہ ہم نے ابھی تک اپنی پلیئنگ الیون فائنل نہیں کی ہے، ہمیں فائنل سے پہلے تیاری کا اچھا وقت مل گیا، ان کنڈیشنز میں بولرز کے لیےکافی چیلنج ہوتا ہے، یہاں مڈل اوورز میں وکٹ لینا ضروری ہے، مڈل اوورز میں وکٹ لے کر رنز بنانے کی رفتار کم کرسکتے ہیں۔
مچل سینٹنر کا کہنا تھا کہ کین ویلیم سن نے بتادیا کہ وہ ہر طرح کی کنڈیشنز میں اچھا کھیل سکتے ہیں، امید ہےکہ فائنل میں بھی وہ بڑا اسکور کریں گے، ہمارے بیٹر اچھا کر رہے ہیں جو ایک مثبت بات ہے۔
ان کا کہنا تھا کہ راچن رویندرا پہلے سے بہتر محسوس کر رہے ہیں مگرکل کا میچ نہیں کھیلیں گے، ہم ان کو واپس لانےکے لیےکوئی جلد بازی نہیں کرنا چاہتے۔
مزید خبریں :
بابر اعظم ایک اور سنگ میل عبور کرنےکے قریب
3 گھنٹے پہلے
ایشین روڈ سائیکلنگ چیمپئن شپ میں پاکستان نے مزید 2 میڈلز جیت لیے
13 فروری ، 2025
چیمپئنز ٹرافی: انگلینڈ نے انجرڈ کھلاڑی کے متبادل کا اعلان کر دیا
13 فروری ، 2025
