17 فروری ، 2025 
راولپنڈی میں پاکستانی نژاد فیملی اور کراچی میں غیر ملکی شہری سے لوٹ مار
17 فروری ، 2025
راولپنڈی میں برطانوی نژاد پاکستانی فیملی کے ساتھ لوٹ مار کی واردات کا واقعہ پیش آیا جبکہ کراچی میں بھی ملزمان نے پولیس افسر بن کر ایک غیر ملکی شہری کو لوٹ لیا۔
برطانوی نژاد پاکستانی فیملی کی جانب سے دائر کی گئی درخواست میں مؤقف اختیار کیا گیا ہے کہ شاپنگ مال سے واپسی پر فیملی کو ڈاکوؤں نے یرغمال بنایا، مسلح ملزمان نے طلائی زیورات، نقدی اور ہیرے کی انگوٹھی چھین لی۔
راولپنڈی پولیس کا کہنا ہے کہ متاثرہ شہری احسن لطیف کی درخواست پر مقدمہ درج کر کے تفتیش کی جا رہی ہے۔
کراچی میں کار سوار ملزمان نے پولیس افسر بن کر غیر ملکی شہری کو لوٹ لیا
دوسری جانب کراچی میں شارع فیصل پر غیر ملکی شہری سے ڈکیتی کی واردات کا مقدمہ بھی درج کر لیا گیا ہے۔
لوٹ مار کے واقعے کا مقدمہ ٹیپو سلطان تھانے میں درج کیا گیا جس میں درخواست گزار غیر ملکی شہری نے بتایا کہ کار سوار دو ملزمان نے خود کو پولیس افسر بتایا، دونوں ملزمان نے چیکنگ کے بہانے مجھ سے تمام چیزیں لیں اور فرار ہو گئے۔
پولیس کا کہنا ہے کہ واردات کی جگہ کی سی سی ٹی وی فوٹیج حاصل کرنے کی کوشش کی جا رہی ہے۔
مزید خبریں :
سرگودھا میں جائیداد کے تنازع پر تین خواتین قتل
20 فروری ، 2025
