24 فروری ، 2025 
دبئی ویزا کی تجدید کو آسان اور تیز تر بنانے کیلئے نیا نظام متعارف
24 فروری ، 2025
متحدہ عرب امارات کی ریاست دبئی میں رہائشیوں کیلئے ویزا کی تجدید گھر بیٹھے چند منٹوں میں اور اپنے فون سے چند کلکس میں کرانا ممکن ہوگیا ہے۔
حکومت کی جانب سے دبئی ویزا کی تجدید کو آسان اور تیز تر بنانے کے لیے ایک نیا نظام متعارف کرایا گیا ہے۔
جنرل ڈائریکٹوریٹ آف ریزیڈنسی اینڈ فارنرز افیئرز (جی ڈی آر ایف اے) نے ’سلامہ‘ کے نام سے ایک آن لائن پلیٹ فارم لانچ کیا ہے، جو مصنوعی ذہانت کے ذریعے کام کرتا ہے۔
یہ اعلان جی ڈی آر ایف اے کے ہیڈکوارٹر الجفیلیہ میں منعقدہ چوتھے سالانہ میڈیا کونسل کے دوران کیا گیا۔
دبئی امیگریشن کے سربراہ لیفٹیننٹ جنرل محمد احمد المری نے اس منصوبے کو دبئی کی ڈیجیٹل تبدیلی کی جانب ایک اہم قدم قرار دیا جو رہائشیوں کی زندگی کو بہتر بنانے کے ليے لانچ کیا گیا ہے۔
’سلامہ‘ کے ذریعے رہائشی اپنے اور اہل خانہ کے ویزوں کی منٹوں میں تجدید کرواسکتے ہیں۔ صارفین لاگ اِن کر کے تجدید کی مدت منتخب کریں، فیس ادا کریں اور اپڈیٹ شدہ دستاویزات ڈاؤن لوڈ کریں۔ اس عمل میں کاغذی کارروائی اور کسی لمبی قطار کی ضرورت نہیں۔
یہ پلیٹ فارم صارفین کو ویزا کی مدت ختم ہونے کی تاریخ سے پہلے نوٹیفیکشن بھیجے گا اور اہل خانہ کے ویزوں کی مدت ختم ہونے سے پہلے آگاہ کرے گا۔
دبئی امیگریشن کے اسسٹنٹ ڈائریکٹر جنرل برائے ڈیجیٹل سروسز کرنل خالد الفلاسی نے کہا کہ ’سلامہ‘ جدید ٹیکنالوجی کے ذریعے فوری اور درست جوابات فراہم کرتا ہے، جس سے حکومتی سروس کو مزید بہتر کرنے میں مدد ملے گی۔
مزید خبریں :
یوکرین کے صدر نے امریکا کو اچانک آنکھیں دکھانا شروع کردیں
24 فروری ، 2025
پوپ فرانسس کی حالت نازک، آکسیجن دی جارہی ہے: ویٹی کن
24 فروری ، 2025
