26 فروری ، 2025 
پاکستان
کالج طلبہ کی گاڑیاں روک کر ونڈ اسکرین پر دوست کو سالگرہ کی مبارکباد دینے کی ویڈیو وائرل
26 فروری ، 2025
چنیوٹ میں کالج کے طلبہ نے دوست کو سالگرہ کی مبارکباد دینے کیلئے انوکھا انداز اپنایا۔
سوشل میڈیا پر کالج کے طلبہ کی ایک ویڈیو وائرل ہورہی ہے جس میں انہوں نے اپنے دوست کو سالگرہ کی مبارک باد دینے کیلئے بسوں کو روک دیا۔
یونیفارم پہنے طلبہ بسوں کو روک کر ونڈ اسکرین پر سالگرہ مبارک لکھتے رہے جس کی وجہ سے ڈرائیور اور مسافر پریشان رہے۔
اسی حوالے سے ڈی پی او عبداللہ احمد کا کہنا ہے کہ ویڈیو ایک دو دن پرانی ہے، طلبہ کی شناخت اور تلاش شروع کردی گئی ہے جب کہ کالجز میں جاکر بھی پولیس نے طلبہ کو سخت وارننگ جاری کی ہے۔
