27 فروری ، 2025 
چیمپئنز ٹرافی: دبئی میں ماہ رمضان میں ہونے والے میچز سے متعلق اماراتی بورڈکا اہم اعلان
27 فروری ، 2025
دبئی اسٹیڈیم میں ماہ رمضان میں ہونے والے آئی سی سی چیمپئنز ٹرافی کے میچز سے متعلق اماراتی کرکٹ بورڈ نے اہم اعلان کیا ہے۔
روزے دار شائقین کرکٹ پریشان نہ ہوں، دبئی اسٹیڈیم میں شائقین کرکٹ کو رمضان المبارک میں فری افطار باکس ملیں گے۔
اماراتی کرکٹ بورڈ نے روزے دار شائقین کو افطار باکس دینےکا اعلان کیا ہے۔اماراتی بورڈ کا کہنا ہے کہ دبئی کرکٹ اسٹیڈیم میں رمضان کے دوران کرکٹ انجوائے کریں، افطار کی فکر چھوڑ دیں، افطار باکس روزے داروں کو نشستوں پر ہی ملیں گے۔
شائقین کرکٹ چاہئے جنرل اسٹینڈ میں بیٹھے ہوں یا پھر پریمیئر اسٹینڈ سے میچ دیکھ رہے ہوں یا پھر پویلین اور پلاٹینیئم اسٹینڈ سے میچ دیکھ رہے ہوں، تمام روزے دار فینز کو افطار باکس فراہم کردیے جائیں گے۔
خیال رہےکہ ابو ظبی کے آسٹرونومی سینٹر کے مطابق عرب ممالک میں پہلا روزہ یکم مارچ کو ہوگا۔
دبئی اسٹیڈیم میں چیمپئنز ٹرافی کا آئندہ میچ اتوار 2 مارچ کو بھارت اور نیوزی لینڈ کے درمیان کھیلا جائےگا۔
اس کے بعد 4 مارچ کو پہلا سیمی فائنل دبئی اسٹیڈیم کھیلا جائےگا اور فائنل میں بھارت کے پہنچنےکی صورت میں 9 مارچ کو فائنل بھی دبئی اسٹیڈیم میں ہوگا۔
مزید خبریں :
آسٹریلیا کے ڈیوڈ بون آئی سی سی میچ ریفری پینل سے الگ ہوگئے
27 فروری ، 2025
