28 فروری ، 2025 
پی ایس ایل: اس سال کراچی میں کم میچز کیوں ہونگے؟ وجہ سامنے آگئی
28 فروری ، 2025
پاکستان سپر لیگ کے دسویں ایڈیشن میں کراچی کے حصے میں کم میچز آئیں گے جس کی وجہ بھی سامنے آگئی ہے۔
ذرائع کے مطابق ماضی میں تماشائیوں کی عدم دلچسپی کےباعث کراچی کو رواں پی ایس ایل میں کم میچز دیےگئے ہیں کیونکہ گزشتہ سال کراچی میں ٹکٹس کی فروخت نہ ہونے سے پی سی بی اور فرنچائز کو مالی نقصان پہنچا تھا۔
ذرائع کا کہنا ہے کہ بیشتر فرنچائزز بھی رواں سال کراچی میں زیادہ پی ایس ایل میچز کھیلنے کے حق میں نہیں تھیں اورکوئٹہ کا ہوم گراؤنڈ بھی پی ایس ایل دسویں ایڈیشن میں کراچی سے منتقل کردیاگیا ہے۔
ذرائع کے مطابق کوئٹہ کا ہوم گراؤنڈ پی ایس ایل دسویں ایڈیشن میں راولپنڈی اور لاہور ہوگا۔
اس کے علاوہ ٹکٹوں کی فروخت، تماشائیوں کی اچھی تعداد کا ریکارڈ دیکھتے ہوئے راولپنڈی میں میچز کی تعداد کوبڑھایاگیا ہے۔
