05 مارچ ، 2025 
بھارت: 16 ماہ کے بچے کے اعضاء سے 2 زندگیوں کو بچالیا گیا
05 مارچ ، 2025
بھارتی ریاست اڑیسہ سے تعلق رکھنے والے 16 ماہ کے بچے کے اعضاء سے 2 زندگیوں کو بچالیا گیا۔
بھارتی میڈیا کے مطابق 16 ماہ کے بچے کا نام جنمیش لینکا تھا جو گزشتہ ماہ کی 12 تاریخ کو اسپتال میں داخل ہوا۔
رپورٹس میں بتایا گیا ہے کہ بچے نے کوئی چیز نگل لی تھی جس کی وجہ سے اس کی سانس کی نالی بند ہوگئی تھی، بہت کوششوں کے بعد بھی بچے کی حالت میں بہتری نہ آئی اور اسے دماغی طور پر مردہ قرار دے دیا گیا۔
بچے کے زندہ بچنے کی کوئی امید نظر نہ آنے پر ڈاکٹر کی جانب سے بچے کے والدین کو اعضاء عطیہ کرکے دوسروں کی زندگیاں بچانے کا مشورہ دیا گیا۔
والدین کی رضامندی کے بعد ڈاکٹرز کی جانب سے بچے کا جگر اور گردے 2 ایسے بچوں کو ٹرانسپلانٹ کردیے گئے جو زندگی اور موت کی جنگ لڑ رہے تھے۔
بعد ازاں اڑیسہ کی حکومتی کی پالیسی کے مطابق جنمیش کی آخری رسومات میں اسے گارڈ آف آنر پیش کیا گیا۔
