27 مارچ ، 2025 
پاکستان
قانون نافذ کرنے والے اداروں نے تحقیقات کا آغاز کردیا ہے__فوٹو: اسکرین گریب
کوئٹہ میں پولیس موبائل کے قریب دھماکا، 3 افراد جاں بحق اور 21 زخمی
27 مارچ ، 2025
کوئٹہ میں ڈبل روڈ پر پولیس موبائل کے قریب دھماکے کے نتیجے میں 3 افراد جاں بحق اور 21 زخمی ہوگئے۔
پولیس کے مطابق دھماکے سے ایک گاڑی اور موٹر سائیکل کو نقصان پہنچا، ڈبل روڈ دھماکے میں جاں بحق افراد کی لاشیں سول اسپتال منتقل کر دی گئی ہیں۔
ٹراما سینٹر کی انتظامیہ کا بتانا ہے کہ دھماکےمیں زخمی 17 افراد ٹراماسینٹرلائے گئے ہیں جن میں دو بچے بھی شامل ہیں۔
پولیس سرجن ڈاکٹر عائشہ فیض نے دھماکے میں 3 افراد کے جاں بحق اور 21 کے زخمی ہونے کی تصدیق کرتے ہوئے بتایا کہ 3 زخمیوں کی حالت تشویشناک ہے۔
علاقہ مکینوں کا بتانا ہے کہ دھماکے کی آواز دور علاقوں میں بھی سنی گئی جب کہ قانون نافذ کرنے والے اداروں نے تحقیقات کا آغاز کر دیا ہے۔
مزید خبریں :
عید پر مہمانوں کی تواضع اس مزیدار پکوان سے کی جائے
6 گھنٹے پہلے
صدقہ فطر اپنے والدین کو دے سکتے ہيں یا نہیں؟
8 گھنٹے پہلے
بچوں کے نام خریدی گئی زمین پر زکوٰۃ کون ادا کرے گا؟
8 گھنٹے پہلے
