30 مارچ ، 2025 
دنیا
فوٹو: امریکی سونامی سینٹر
ٹونگا میں 7.1 شدت کے زلزلےکے بعد سونامی وارننگ جاری
30 مارچ ، 2025
بحرالکاہل میں نیوزی لینڈکے قریب واقعہ ملک ٹونگا میں شدید زلزلہ آیا ہے جس کے بعد ساحلی علاقوں میں سونامی وارننگ جاری کردی گئی ہے۔
غیر ملکی میڈیا کے مطابق جرمن ریسرچ سینٹر نے بتایا ہےکہ زلزلےکی شدت ریکٹر اسکیل پر 7.1 ریکارڈکی گئی ہے۔
جرمن ریسرچ سینٹر کے مطابق ٹونگا جزائر میں زلزلہ 16 کلومیٹر کی گہرائی میں تھا۔ زلزلہ ٹونگا کے مرکزی جزیرے کے100 کلومیٹر شمال مشرق میں آیا۔
پیسیفک سونامی وارننگ سینٹر کے مطابق زلزلے کے بعد ٹونگا کے ساحلی علاقوں میں سونامی وارننگ جاری کردی گئی ہے۔
پیسیفک سونامی وارننگ سینٹر کا کہنا ہےکہ زلزلے کے مرکز سے 300 کلومیٹر کے اندر ساحلی علاقوں میں خطرناک لہریں آسکتی ہیں۔
زلزلےکے بعد کسی قسم کے نقصان کی اطلاع موصول نہیں ہوئی ہے۔
مزید خبریں :
میانمارمیں زلزلےسے اموات 2700 سے تجاوز کرگئیں
4 گھنٹے پہلے
