06 اپریل ، 2025 
شام میں کیمیائی ہتھیاروں کی 100 سے زائد سائٹس باقی ہونےکا انکشاف
06 اپریل ، 2025
شام میں کیمیائی ہتھیاروں کے 100 سے زائد مقامات (سائٹس) باقی ہونےکا انکشاف ہوا ہے۔
غیرملکی میڈیا کے مطابق یہ انکشاف کیمیائی ہتھیاروں کی نگرانی کے عالمی ادارے نے کیا ہے، جو اب شام میں داخل ہو کر ان ہتھیاروں کی موجودگی کا جائزہ لینا چاہتا ہے۔ یہ تمام مقامات ممکنہ طور پر کیمیائی ہتھیاروں کی تحقیق، تیاری اور ذخیرہ اندوزی کے مراکز تھے۔
ماہرین کو یہ بھی تشویش ہے کہ اگر یہ ہتھیار غیر محفوظ رہے تو شدت پسند گروہوں کے قبضے میں جاسکتے ہیں، جو خطے کی سلامتی کے لیے بڑا خطرہ بن سکتا ہے۔
شام کی نئی حکومت نے عالمی برادری کو یقین دلایا ہےکہ وہ بین الاقوامی قوانین کی پاسداری کرتے ہوئے بشار الاسد دور کے تمام کیمیائی ہتھیاروں کو مکمل طور پر تباہ کرے گی۔
ماہرین کا کہنا ہےکہ سابق صدر بشار الاسد کے دور کی یہ کیمیکل سائٹس شام کی عبوری حکومت کے لیے بڑا چیلنج ثابت ہوسکتی ہیں۔کچھ مقامات شاید غاروں یا ایسی جگہوں میں چھپے ہوسکتے ہیں جنہیں سیٹلائٹ کے ذریعے تلاش کرنا بھی مشکل ہے۔
مزید خبریں :
اسرائیل پر حملے روکنے کی قیمت، کروڑوں ڈالرز
07 اپریل ، 2025
