صحت و سائنس

حاملہ خواتین گرمیوں میں پانی کی کمی سے بچنے کیلئے کون سے پھلوں کا استعمال کریں؟

12 اپریل ، 2025

حاملہ خواتین گرمیوں میں پانی کی کمی سے بچنے کیلئے کون سے پھلوں کا استعمال کریں؟ — حمل کے دوران وٹامن سی سے بھرپور پھل آڑو، بیر، لیموں، کیوی اور امرود بھی آئرن کو جذب کرنے اور قوت مدافعت بڑھانے میں معاون ہیں/ فائل فوٹو

حمل کے دوران جسم میں بہت سی تبدیلیاں آرہی ہوتی ہیں جس کیلئے زیادہ خوراک کی بھی ضرورت ہوتی ہے۔

خاص طور پر جب گرمی کا موسم ہو تو حاملہ خواتین کو چاہیے کو وہ اپنے کھانے میں ایسی غذاؤں کا استعمال کریں جو غذائیت بھرپور ہونے کے ساتھ ساتھ گرمی لگنے اور پانی کے کمی سے بھی بچائے۔

کسی بھی حاملہ خاتون کو چاہیے کہ وہ گرمیوں کی سوغات تربوز اور خربوزہ جیسے پھلوں کا لازمی استعمال کرے کیونکہ یہ قدرتی طور پر پانی سے بھرے ہوتے ہیں اور ان میں وٹامنز کی بھی بھاری مقدار پائی جاتی ہے۔

اس کے علاوہ حمل کے دوران وٹامن سی سے بھرپور پھل آڑو، بیر، لیموں، کیوی اور امرود بھی آئرن کو جذب کرنے اور قوت مدافعت بڑھانے میں معاون ہیں۔

یہ بھی پڑھیں

ماہرین طب کی جانب سیب کھانے کی بھی ہدایت کی جاتی ہے کیونکہ سیب میں فائبر اور آئرن موجود ہوتا ہے، آم بھی بہترین پھل ہے جب کہ پانی کی کمی کو دور کرنے کیلئے پانی کا زیادہ استعمال کے ساتھ ساتھ تازے پھلوں کا جوس اور لسی کا استعمال بھی ضروری ہے۔

تاہم حمل کے دوران اکثر خواتین کو ٹانگوں میں درد کی بھی شکایت رہتی ہے جس کیلئے کیلے کے زیادہ استعمال سے پرہیز کرنا چاہیے۔

ماہرین طب کی جانب سے حاملہ خواتین کو سگریٹ نوشی، سوڈا ڈرنکس، زیادہ تلے ہوئے کھانے اور نمکین کھانوں سے منع کیا جاتا ہے۔

اس کے علاوہ دوران حمل ذیابیطس کا مرض ہونا بھی عام ہے جس سے بچنے کیلئے شوگر سے بھرپور کھانوں سے پرہیز لازمی ہے۔