جوان افراد میں کینسر کی شرح کیوں بڑھ رہی ہے؟ طبی ماہرین کی رائے جانیں

کسی بھی عمر میں کینسر کی تشخیص ایک خوفناک تجربہ ہوتی ہے، پہلے اسے معمر افراد کا مرض خیال کیا جاتا تھا مگر اب یہ بیماری اب جوان افراد میں تیزی سے پھیل رہی ہے۔

مگر ایسا کیوں ہو رہا ہے یعنی جوان افراد میں کینسر جیسا مرض بہت تیزی سے کیوں پھیل رہا ہے؟

ویسے تو تمباکو نوشی کی شرح میں کمی، بہتر علاج اور جلد تشخیص کی سہولیات سے گزشتہ 30 برسوں کے دوران کینسر سے اموات کی تعداد میں کمی آئی ہے۔

مگر بری خبر یہ ہے کہ جوان افراد میں کینسر سے متاثر ہونے کی شرح میں اضافہ ہوا ہے۔

وہ آسان طریقہ جس سے آپ خود کو کینسر سے بچا سکتے ہیں

اچھی کارڈیو فٹنس سے کینسر کی 9 اقسام سے متاثر ہونے کا خطرہ 42 فیصد تک کم کیا جا سکتا ہے۔

درحقیقت کینسر کی مخصوص اقسام سے جوان افراد کے متاثر ہونے کا خطرہ 1950 کی دہائی کے بعد سے مسلسل بڑھا ہے۔

ایک حالیہ تحقیق میں دریافت کیا گیا کہ امریکا میں 50 سال سے کم عمر افراد میں معدے یا آنتوں سے جڑے کینسر کیسز کی شرح میں 2010 سے 2019 کے دوران 15 فیصد اضافہ ہوا۔

اس کے برعکس حالیہ برسوں میں معمر افراد میں کینسر کی ان اقسام کے کیسز کی شرح میں کمی دیکھنے میں آئی۔

کچھ عرصے قبل امریکا کی ہارورڈ یونیورسٹی، چین کی Zhejiang یونیورسٹی اور برطانیہ کی ایڈنبرگ یونیورسٹی کی مشترکہ تحقیق میں بتایا گیا کہ 30 سال کے دوران 50 سال سے کم عمر افراد میں کینسر کے کیسز کی شرح میں لگ بھگ 80 فیصد اضافہ ہوا۔

کینسر کی وہ عام علامات جو اکثر افراد نظر انداز کر دیتے ہیں

کینسر کی علامات کو نظرانداز کرنے کا نتیجہ تباہ کن ہوتا ہے۔

1990 میں جوان افراد میں کینسر کے کیسز کی تعداد 20 لاکھ سے کم تھی مگر 2019 میں یہ تعداد 30 لاکھ سے زائد ہوگئی۔

اس عرصے میں کینسر سے متاثر 30 اور 40 سال سے زائد عمر کے افراد کی اموات کی شرح میں 27 فیصد اضافہ دیکھنے میں آیا۔

تحقیق میں بتایا گیا کہ مجموعی طور پر ہر سال 50 سال سے کم عمر 10 لاکھ سے زائد افراد کینسر کے باعث ہلاک ہو جاتے ہیں۔

اسی طرح اگست 2024 میں لانسیٹ پبلک ہیلتھ جرنل میں شائع تحقیق میں بتایا گیا کہ 1965 سے 1996 کے درمیان پیدا ہونے والے افراد میں ماضی کی نسلوں کے مقابلے میں کینسر کی 17 اقسام سے متاثر ہونے کا خطرہ بہت زیادہ ہوتا ہے۔

کینسر جیسی جان لیوا بیماری سے بچانے کے لیے بہترین غذائیں

مخصوص غذاؤں کا زیادہ استعمال دائمی امراض جیسے امراض قلب، ذیابیطس، ہارٹ اٹیک، آنتوں کے کینسر اور فالج کا خطرہ کم کرتا ہے۔

تحقیق میں 2000 سے 2019 کے درمیان کینسر کی 34 مختلف اقسام سے متاثر ہونے والے 2 کروڑ 30 لاکھ افراد کے ڈیٹا کا تجزیہ کیا گیا جبکہ کینسر کی 25 مختلف اقسام سے ہلاک ہونے والے 70 لاکھ سے زائد مریضوں کے ڈیٹا کی جانچ پڑتال بھی کی گئی۔

ان سب افراد کی عمریں 25 سے 84 کے درمیان تھی اور نتائج سے دریافت ہوا کہ 1990 کی دہائی کے شروع میں پیدا ہونے والے افراد میں چھوٹی آنت، گردے اور لبلبے کے کینسر کی شرح 1950 کی دہائی میں پیدا ہونے والوں کے مقابلے میں 2 سے 3 گنا زیادہ ہے۔

تحقیق میں کینسر کی ان 17 اقسام کو شناخت کیا گیا جن کے کیسز جوان نسلوں میں زیادہ دیکھنے میں آرہے ہیں۔

جگر، چھوٹی آنت، مادر رحم، چھاتی، منہ، گردے، خون، جِلد اور کینسر کی دیگر اقسام بہت تیزی سے لوگوں میں پھیل رہی ہیں۔

مطالعہ کرنے سے صحت کو ہونے والے 6 فوائد

روزانہ مطالعہ کرنے سے زندگی کی مدت میں اضافہ ہوسکتا ہے، دماغی تنزلی کا خطرہ گھٹ جاتا ہے۔

تحقیق میں بتایا گیا کہ کینسر کی ان 17 میں سے 10 اقسام ایسی ہیں جن کو موٹاپے اور الٹرا پراسیس غذاؤں سے منسلک کیا جاتا ہے۔

ایک اور تحقیق میں دریافت کیا گیا کہ 1990 کی دہائی میں ہونے والے افراد میں rectal کینسر سے متاثر ہونے کا خطرہ 1980 کی دہائی میں پیدا ہونے والوں سے 4 گنا زیادہ ہوتا ہے۔

2023 میں امریکن کینسر سوسائٹی نے ایک رپورٹ میں بتایا تھا کہ 2019 میں colorectal کینسر کے 20 فیصد کیسز میں مریضوں کی عمر 55 سال سے کم تھی، یعنی جوان افراد میں سرطان کی اس قسم کے کیسز کی شرح میں 1995 کے بعد دوگنا اضافہ ہو چکا ہے۔

امریکن کینسر سوسائٹی کی ہی 2024 کی ایک رپورٹ میں بتایا گیا کہ سرطان کی دیگر اقسام کے مقابلے میں 50 سال سے کم عمر مردوں میں colorectal کینسر سے سب سے زیادہ اموات ہو رہی ہیں جبکہ خواتین میں ہلاکتوں کی شرح کے حوالے سے کینسر کی یہ قسم دوسرے نمبر پر ہے۔

7 سے 8 گھنٹے کی نیند سے جسم پر کیا اثرات مرتب ہوتے ہیں؟

اگر آپ ہر رات 7 سے 8 گھنٹے سونے کے عادی ہیں تو اس سے صحت کو کیا فوائد حاصل ہوتے ہیں؟

20 سال قبل یہ سرطان کی یہ قسم اموات کی تعداد کے حوالے سے چوتھے نمبر پر تھی۔

جوان افراد میں کینسر کے پھیلاؤ میں اضافے کے باعث طبی ماہرین اور محققین کی جانب سے یہ سمجھنے کی کوشش کی جا رہی ہے کہ آخر یہ مرض اتنی تیزی سے کیوں پھیل رہا ہے۔

CUHK میڈیکل سینٹر کے ڈاکٹر Ashley Cheng Chi-kin نے بتایا کہ 50 سال سے کم عمر افراد میں سرطان کی مختلف اقسام کے تیزی سے پھیلنے کا سلسلہ صرف امریکا تک محدود نہیں۔

انہوں نے کہا کہ دنیا بھر میں ایسا ہو رہا ہے اور اس کی وضاحت کرنا آسان نہیں کہ آخر کینسر کے کیسز تیزی سے کیوں بڑھ رہے ہیں، یہی وجہ ہے کہ محققین کی جانب سے کینسر کی وجوہات کو جاننے کے لیے کام کیا جا رہا ہے۔

ہارٹ اٹیک اور امراض قلب سے بچانے والے موسم گرما کے چند بہترین پھل اور سبزیاں

حالیہ برسوں میں جوان افراد میں دل کے امراض کی شرح میں حیران کن اضافہ ہوا ہے۔

انہوں نے مزید کہا کہ ایک وجہ تو کینسر کی اسکریننگ زیادہ کرانا ہوسکتی ہے، جبکہ دیگر عناصر جیسے کسی فرد کی غذا، طرز زندگی، جسمانی وزن، ماحولیاتی اثرات اور جراثیم بھی ممکنہ طور پر اس حوالے سے کردار ادا کر رہے ہیں۔

طبی ماہرین کے خیال میں سست طرز زندگی (زیادہ وقت بیٹھ کر اسکرین کے سامنے گزارنا) اس حوالے سے اہم کردار ادا کر رہا ہے۔

انہوں نے کہا کہ کچھ وقت کی ورزش سے بھی کینسر کی متعدد اقسام سے تحفظ مل سکتا ہے۔

5 علامات جن کو کبھی نظر انداز نہیں کرنا چاہیے

کچھ علامات ایسی ہیں جن کو کبھی بھی نظر انداز نہیں کرنا چاہیے۔

اس حوالے سے 2016 کی ایک تحقیق میں بتایا گیا کہ جسمانی طور پر متحرک افراد میں colon کینسر سے متاثر ہونے کا خطرہ لگ بھگ 20 فیصد تک کم ہو جاتا ہے۔

ایک اور تحقیق میں دریافت کیا گیا کہ الٹرا پراسیس غذاؤں کے زیادہ استعمال سے کینسر کی تمام اقسام سے متاثر ہونے کا خطرہ 10 فیصد تک بڑھ جاتا ہے۔

واضح رہے کہ الٹرا پراسیس غذائیں تیاری کے دوران متعدد بار پراسیس کی جاتی ہیں اور ان میں نمک، چینی اور دیگر مصنوعی اجزا کی مقدار کافی زیادہ ہوتی ہے جبکہ صحت کے لیے مفید غذائی اجزا جیسے فائبر کی مقدار بہت کم ہوتی ہے۔

الٹرا پراسیس غذاؤں میں ڈبل روٹی، فاسٹ فوڈز، مٹھائیاں، ٹافیاں، کیک، نمکین اشیا، بریک فاسٹ سیریلز، چکن اور فش نگٹس، انسٹنٹ نوڈلز، میٹھے مشروبات اور سوڈا وغیرہ شامل ہیں۔

وہ 14 حیرت انگیز عادات جو آپ کو جلد بوڑھا بنا دیتی ہیں

روزمرہ کی زندگی کی عادات اور ہمارے انتخاب قبل از وقت بڑھاپے کا شکار بنانے میں زیادہ نمایاں کردار ادا کرنے والے عناصر ہیں۔

متعدد تحقیقی رپورٹس میں چینی کے زیادہ استعمال اور کینسر کے درمیان تعلق کی نشاندہی بھی کی گئی ہے۔

ماہرین کے خیال میں چینی کے زیادہ استعمال سے انسولین بننے کا عمل تیز ہوتا ہے اور خون میں انسولین کی زیادہ مقدار سے کینسر سے متاثر ہونے کا خطرہ بڑھتا ہے۔

متعدد ماہرین کا کہنا تھا کہ چینی کے زیادہ استعمال سے جسمانی وزن میں اضافہ ہوتا ہے اور موٹاپے کے باعث چربی کے خلیات کا اجتماع بڑھ جاتا ہے جس سے ورم بڑھانے والے پروٹینز کا اخراج ہوتا ہے اور ڈی این اے کو نقصان پہنچتا ہے۔

ماہرین نے مشورہ دیا ہے کہ جسم میں آنے والی ہر قسم کی تبدیلیوں پر توجہ مرکوز کی جانی چاہیے اور طبی معائنہ کرانا چاہیے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔