ہر عمر میں ہڈیوں کو مضبوط رکھنا بہت آسان

عمر بڑھنے کے ساتھ ہڈیوں کو مضبوط رکھنا بہت اہم ہوتا ہے۔

جب ہماری عمر 30 سال ہوتی ہے تو ہڈیوں کا حجم عروج تک پہنچ جاتا ہے۔

اس کے بعد اگر ہڈیوں کی صحت کا خیال نہ رکھا جائے تو عمر بڑھنے کے ساتھ ہڈیوں کا حجم گھٹنے لگتا ہے، جس سے ہڈیوں کی کمزوری یا دیگر مسائل کا خطرہ بڑھتا ہے۔

لیکن اچھی بات یہ ہے کہ ہڈیوں کی صحت کا خیال رکھنا بہت آسان ہوتا ہے۔

روزانہ 8 گلاس پانی پینے سے جسم کو ہونے والے 7 فوائد آپ کو دنگ کر دیں گے

جب آپ مناسب مقدار میں پانی پیتے ہیں تو اس کا فائدہ پورے جسم کو ہوتا ہے۔

درحقیقت چند عام چیزوں کا خیال رکھ کر عمر بڑھنے کے ساتھ ہڈیوں کو مضبوط رکھنا ممکن ہے۔

کیلشیئم بہت اہم ہے

یہ منرل ہڈیوں کو صحت مند رکھنے کے لیے بہت اہم ہوتا ہے۔

کیلشیئم سے ہڈیاں سخت اور موٹی ہوتی ہیں اور اگر جسم میں کیلشیم کی کمی ہو تو وہ اسے ہڈیوں سے کھینچتا ہے۔

کینسر سے خود کو محفوظ رکھنا چاہتے ہیں؟ تو یہ غذائیں مددگار ثابت ہو سکتی ہیں

تحقیقی رپورٹس کے مطابق کینسر کے بیشتر کیسز کی وجہ ایسے عناصر ہوتے ہیں جن کی روک تھام ممکن ہے۔

ہڈیوں میں کیلشیئم کی کمی سے وہ کمزور ہو جاتی ہیں اور فریکچر کا خطرہ بڑھتا ہے۔

کیلشیئم کا حصول غذاؤں جیسے دہی، دودھ، چنوں اور مچھلی سے ممکن ہے۔

اسی طرح ڈاکٹر کے مشورے سے کیلشیئم کے سپلیمنٹس بھی استعمال کیے جاسکتے ہیں۔

وٹامن ڈی بھی بہت ضروری ہوتا ہے

وٹامن ڈی کیلشیئم کو جذب کرنے میں مدد فراہم کرتا ہے۔

ادرک استعمال کرکے آپ کن امراض سے خود کو محفوظ رکھ سکتے ہیں؟

ادرک سے آپ مختلف امراض سے خود کو بچا سکتے ہیں اور یہ سستی چیز علاج کے ہزاروں روپے کی بچت کر سکتی ہے۔

وٹامن ڈی کے بغیر ہمارا جسم غذاؤں میں موجود کیلشیئم کو جذب نہیں کرپاتا اور ہڈیاں کمزور ہوتی ہیں۔

وٹامن ڈی کی کمی ہونے پر جسم ہڈیوں کو مضبوط بنانے سے قاصر ہو جاتا ہے۔

سورج کی روشنی سے ہماری جِلد وٹامن ڈی کو حاصل کر سکتی ہے اور اس کے لیے روزانہ چند منٹ سورج کی روشنی میں گزارنا کافی ہے۔

اسی طرح غذاؤں جیسے مچھلی، انڈے، فورٹیفائیڈ دودھ اور سپلیمنٹس سے بھی وٹامن ڈی کو جسم کا حصہ بنایا جا سکتا ہے۔

دماغ کے لیے تباہ کن غذائیں جو بیشتر افراد بہت شوق سے کھاتے ہیں

عمر کے ساتھ ساتھ ہماری غذائی عادات بھی دماغی تنزلی کا سفر تیز کر سکتی ہیں۔

جسمانی سرگرمیاں

ورزش کو معمول بنانے سے ہڈیوں کو بھی فائدہ ہوتا ہے۔

ورزش کرنے کے عادی افراد میں عمر بڑھنے کے ساتھ ہڈیوں کا حجم گھٹتا نہیں۔

اسی طرح ورزش کرنے سے مسلز بنتے ہیں جس سے جسمانی توازن بہتر ہوتا ہے اور گرنے کا خطرہ کم ہوتا ہے۔

وزن اٹھانے والی ورزشیں، جاگنگ، پش اپس، تیز چہل قدمی، رقص اور سیڑھیاں چڑھنے جیسی ورزشیں ہڈیوں کے لیے فائدہ مند ہوتی ہیں۔

رات کو سونا مشکل ہوتا ہے؟ تو اس آسان ٹپ کو فوری آزما کر دیکھیں

بے خواب راتوں سے بچنے کا حل آپ کے پیروں میں چھپا ہو سکتا ہے۔

ان ورزشوں سے مخصوص حصوں کی ہڈیاں مضبوط ہوتی ہیں جیسے جاگنگ سے ٹانگوں اور پیروں کی ہڈیاں مضبوط ہوتی ہیں۔

اسی طرح وزن اٹھانے سے ہاتھوں کی ہڈیوں کو فائدہ ہوتا ہے۔

تمباکو نوشی سے گریز کریں

تمباکو نوشی سے متعدد امراض کا خطرہ بڑھتا ہے اور ہڈیوں کی صحت بھی اس عادت سے متاثر ہوتی ہے۔

کیا تربوز کے بیج کھانے سے کوئی نقصان تو نہیں ہوتا؟

اس پھل میں بیجوں کی تعداد بہت زیادہ ہوتی ہے اور اگر کوئی فرد سے اسے کھالے تو کیا ہوتا ہے؟

تمباکو میں موجود نکوٹین اور دیگر کیمیکلز سے ہڈیاں بنانے والے خلیات بننے کا عمل سست ہو جاتا ہے جبکہ ہڈیوں تک خون کی روانی بھی محدود ہوتی ہے۔

اس کے نتیجے میں ہڈیاں کمزور ہو جاتی ہیں اور فریکچر کا خطرہ بڑھتا ہے۔

سبزیوں کا زیادہ استعمال کریں

سبزیوں سے جسم کو اہم وٹامنز، منرلز اور فائبر جیسے غذائی اجزا ملتے ہیں۔

کچھ افراد کے بال 20 سال کی عمر میں ہی سفید کیوں ہونے لگتے ہیں؟

کم عمری یعنی 20 سال کی عمر کے بعد ہی اگر بال سفید ہونے لگے تو اس کی وجہ کیا ہوتی ہے؟

ایک تحقیق میں بتایا گیا کہ ہڈیوں کے حجم میں اضافے اور پھلوں و سبزیوں کے استعمال کے درمیان تعلق موجود ہے، جس کی وجہ ان غذاؤں سے جسم کو ملنے والا وٹامن ہے۔

تحقیق میں بتایا گیا کہ وٹامن سی سے بھی ہڈیوں کی صحت بہتر ہوتی ہے اور ہڈیوں کی کمزوری سے تحفظ ملتا ہے۔

آلو، شملہ مرچ، گوبھی اور وٹامن سی سے بھرپور دیگر سبزیوں یا پھلوں کا استعمال اس حوالے سے مددگار ثابت ہوسکتا ہے۔

اگر خون کا رنگ سرخ ہے تو رگیں سبز کیوں نظر آتی ہیں؟

رگوں کا کام خون سے متعلق ہے تو پھر بھی وہ سبز کیوں نظر آتی ہیں؟

صحت مند جسمانی وزن کو برقرار رکھیں

جسمانی وزن کو اعتدال میں رکھنا ہڈیوں کی کثافت کے لیے ضروری ہوتا ہے۔

کم جسمانی وزن سے بھی ہڈیوں کے امراض سے متاثر ہونے کا خطرہ بڑھتا ہے جبکہ اضافی جسمانی وزن بھی ہڈیوں پر دباؤ بڑھاتا ہے۔

ماہرین کی جانب سے بہت زیادہ تیزی سے جسمانی وزن میں کمی لانے سے گریز کرنے کا مشورہ دیا جاتا ہے تاکہ ہڈیاں کمزور نہ ہوسکیں۔

ہڈیوں کو ہمیشہ مضبوط رکھنے کے لیے مددگار مزیدار پھل

روزانہ چند خشک آلو بخارے کھانے سے ہڈیوں کو مضبوط رکھنے میں مدد ملتی ہے۔

پروٹین کا زیادہ ستعمال

پروٹین بھی ہڈیوں کی صحت اور کثافت کے لیے بہت اہم غذائی جز ہے۔

ایک تحقیق میں دریافت کیا گیا کہ پروٹین سے بھرپور غذاؤں کا استعمال کرنے والے افراد کی ہڈیوں کی کثافت دیگر کے مقابلے میں زیادہ ہوتی ہے۔

اومیگا 3 فیٹی ایسڈز بھی مفید

تحقیقی رپورٹس سے عندیہ ملا ہے کہ اومیگا 3 فیٹی ایسڈز بھی ہڈیوں کو مضبوط رکھنے میں کردار ادا کرتے ہیں۔

گنج پن سے تحفظ اور بالوں کی قدرتی نشوونما بہتر بنانے میں مددگار آسان طریقے

مردوں اور خواتین دونوں کو کسی بھی عمر میں بالوں کے گرنے یا گنج پن کا سامنا ہوسکتا ہے۔

مچھلی، گریوں اور بیجوں کے ذریعے ان فیٹی ایسڈز کا حصول ممکن ہوتا ہے۔

اس سے ہٹ کر سپلیمنٹس کے ذریعے بھی اومیگا 3 فیٹی ایسڈز کو جسم کا حصہ بنایا جاسکتا ہے۔

میگنیشم اور زنک سے بھرپور غذائیں بھی ہڈیوں کے لیے مفید ہوتی ہیں

کیلشیئم کی طرح میگنیشم اور زنک بھی ایسے منرلز ہیں جو ہڈیوں کی صحت اور کثافت میں معاونت فراہم کرتے ہیں۔

آنکھوں کے نیچے سیاہ حلقے بننے کی عام وجوہات

اکثر آنکھوں کے نیچے موجود سیاہ حلقوں کو تھکاوٹ کا نتیجہ قرار دیا جاتا ہے مگر اس کی متعدد وجوہات ہوسکتی ہیں۔

میگنیشم سے وٹامن ڈی کو متحرک ہونے میں مدد ملتی ہے اور ہمارا جسم کیلشیئم کو جذب کر پاتا ہے۔

زنک ہڈیوں میں پایا جاتا ہے اور یہ ہڈیوں کی نشوونما کو بہتر بناتا ہے جبکہ ان کے ٹوٹنے کا خطرہ کم کرتا ہے۔

گریوں، پھلیوں، دالوں، بیجوں اور سالم اناج جیسی غذاؤں سے ان غذائی اجزا کا حصول ممکن ہوتا ہے۔

چینی بھی نقصان دہ

میٹھے مشروبات، بسکٹ اور چینی سے بنی ہر غذا کے بہت زیادہ استعمال سے ہڈیوں کو نقصان پہنچتا ہے۔

ٹھوڑی کے نیچے لٹکنے والی چربی سے نجات چاہتے ہیں؟

ٹھوڑی کے نیچے لٹکنے والی یہ چربی کسی نقصان کا باعث ہو یا نہ ہو مگر شخصیت کو ضرور بدنما بنادیتی ہے۔

چینی کے زیادہ استعمال کے باعث پیشاب کے راستے کیلشیئم اور میگنیشم کا اخراج ہوتا ہے جس سے ہڈیاں کمزور ہوتی ہیں۔

الکحل بھی تباہ کن

الکحل کے استعمال سے بھی ہڈیوں کو نقصان پہنچتا ہے۔

الکحل کے استعمال سے گرنے کا خطرہ بھی بڑھتا ہے جس سے ہڈیاں ٹوٹنے کا خطرہ بڑھتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔