13 جون ، 2025 
دنیا
فوٹو:رائٹرز
ایران کا جوابی حملہ، اسرائیلی فوجی ترجمان کو پریس کانفرنس روکنی پڑگئی
13 جون ، 2025
ایران نے اسرائیل پر 100 سے زائد بیلسٹک میزائلوں سے جوابی حملہ کردیا۔
ایران کے حملوں کے باعث تل ابیب سمیت پورے اسرائیل میں خوف و ہراس پھیل گیا۔ اسرائیل پر ایران کے حملوں کے بعد اسرائیلیوں کو بنکرز میں جانے کے احکامات دے دیے گئے، اسرائیلی حکام نے شہریوں کو گھروں سے باہر نہ نکلنے کی بھی ہدایت کردی۔
ایرانی حملوں کے باعث اسرائیلی فوجی ترجمان کی پریس کانفرنس بھی روک دی گئی۔
یاد رہے کہ اسرائیل نے آج صبح ایران میں درجنوں مقامات پر فضائی حملے کیے جن میں فوجی قیادت کی رہائش گاہوں اور فوجی و جوہری تنصیبات کو نشانہ بنایا گیا، اسرائیلی حملوں میں 6 سائنسدانوں سمیت 78 افراد شہید ہوئے۔
